Ah 'măng hop akŏm, rim tơring nhen Hà Nội, pơlei tơm Hồ Chí Minh, Bắc Ninh, Nghệ An, Đăk Lăk... ră hơdah tơdrong hơtŏk lơ̆m 6 khei blŭng sơnăm păng pơkăp pơm kiơ̆ dôm tơchơ̆t jang hơtŏk 8% sơnăm 2025. Tang măt ăn anih jang tơroi gah tơdrong tơnap tap lơ̆m pơm jang kiơ̆ jơnŭm pơgơ̆r 2 tăl, mă kăl noh ưh đei tôm anih jang hơlen, athei hơtŏk ƀiên chê̆ gah tơdrong juăt jang.

Sơkơ̆t mă hơtuch luch, Thủ tướng teh đak bơ̆n Phạm Minh Chính sơkơ̆t hơdah, tơdrong jang mŭk drăm – tơpôl tŏk bŏk oei hơtŏk 'lơ̆ng, hăm pơđĭ 3 tơring adoi ƀôh tŏk lơ, pơlei tơm Hồ Chí Minh tŏk 7,82%, Hà Nội 7,63%. Thủ tướng pơgơ̆r pơtoi pơm jang kiơ̆ pơkăp jơnŭm pơgơ̆r 2 tăl mă tơnăp, ưh đei lê̆ kon pơlei, anih jang mŭk drăm ƀơm tơhlăk tơhlĭn ƀơm adar gah pơm hla bar kăl; vei sơđơ̆ng tơdrong pơyua ăn tơpôl păng tơtom pơm kiơ̆ dôm tơdrong asong jang.