Akŏm pơhrăm yak pơrŏ khul linh vă tơbăt 80 sơnăm Kăch mang Khei 8 păng Kuôk khanh năr 2/9
Thứ sáu, 14:30, 22/08/2025
Lan chih tơblơ̆
Lan chih tơblơ̆
VOV.Bahnar – Kơmăng năr 21/8, tơ̆ Cham să Ba Đình (Hà Nội), Jơnŭm pơgơ̆r yak pơrŏ khul linh akŏm pơhrăm yak pơrŏ khul linh vang akŏm lêh tơbăt 80 sơnăm Kăch mang khei 8 păng 80 sơnăm Kuôk khanh năr 2/9.
Hloh 16.300 'nu linh, kŏng ang hăm 43 khul dơ̆ng minh anih, 18 khul yak pơrŏ, 6 khul gre kơnong păng 8 khul gre juăt pơhrăm linh. Mă kăl, đei tơdrong akŏm đơ̆ng khul linh Nga, Lào păng Campuchia, tơƀôh tơdrong trŏ 'lơ̆ng hăm tơchơ̆t jang tơbôl gah linh đơ̆ng Việt Nam.
Đơ̆ng rŏng 3 jơ akŏm pơhrăm, Đại tướng Phan Văn Giang, Ƀô̆ trương Anih tơm pơgơ̆r Khul linh bơnê kơ tơdrong tơnăp hơdrin đơ̆ng khul linh, mă kăl noh hăm khul linh dơ̆ng minh anih, hăm tơchơ̆t trŏ ƀlep. Ƀô̆ trương lui ngeh, lơ̆m năr lêh tơm, tôm khul linh gô jang đei jơnei keh kong sơnong jang đei pơjao.
Viết bình luận