Đơ̆ng rŏng vă jê̆ mĭnh sơnăm tơlĕch, ‘măng pơlong chih kơtơ̆ng ang hơvơn đei 250 ƀai chih đơ̆ng lơ hơnih chih kơtơ̆ng ang lơ̆m teh đak. Rim ƀai chih chih tơbăt kơtang lơ̆m khei ‘năr tơplih ‘nao, tơklep hăm kon pơlei, tơjê̆ hăm kon pơlei lơ̆m bơ̆ jang vei lăng, tơgop tơ iung pơjing trong bơ̆ jang pơvih pơvăn, tơƀôh hơdăh hơnăn jang “răp ‘măng jang” kơ Hơnih tơm Tư pháp lơ̆m pơm pơkeh tơdrong tơchơ̆t păng tơ iung pơjing tơpôl lui yom kiơ̆ khôi luơ̆t. Khul chĕp pơgơ̆r hlôi rơih đei 18 ƀai chih mơ̆t lơ̆m ‘măng pơlong tuch luch, lơ̆m ou pôk ăn 2 Tơmam hơpăh A, 2 tơmam hơpăh B, 4 tơmam hơpăh C păng 10 tơmam hơpăh pơchhơp jơhngơ̆m ăn ƀăo in hăm ƀăo điên tư. Pơtôch ‘măng pơlong pơjing đei hơyak gĭt kăl hloh, tơgop lang să tơdrong ‘lơ̆ng, sơkơ̆t hơdăh hơnăp jang, hơnih dơ̆ng kơ hơnih bơ̆ jang Tư pháp lơ̆m chăl hle.