6 khei blŭng sơnăm ‘nâu, hăm đon tơnăp, adrin tôch ai, đĭ đăng khul linh hơnơ̆ng kơchăng tơblăh, băt hơdăh, tơdra hơdrol rim tơdrong, tơtom roi tơƀôh ăn Đảng, teh đak vă sek tơlang đei yoa ‘lơ̆ng rim tơdrong, ưh gơ̆h lê̆ đei tơdrong ưh ê, vei kơjăp tơdrong pơm pơm teh đak, vei kơjăp tơdrong sơđơ̆ng tơ̆ jơ̆p tơring lơ̆m teh đak.

Pơma tơ̆ hop akŏm, Thủ tướng Phạm Minh Chính akhan, tơ̆ hơnăp kơnh Anih tơm vei lăng khul linh teh đak athei bơ̆ jang ‘lơ̆ng hơnăp jang roi tơƀôh hăm Đảng, Teh đak păng tơlĕch dôm trong jang gĭt kăl găh khul linh, vei lăng teh đak; băt hơdăh, tơdra hơdrol trŏ ƀlep, roi tơƀôh tơtom, sek tơlang hrĕnh, ‘lơ̆ng, đei yoa rim tơdrong, kăl loi athei vei lăng kơjăp ‘lơ̆ng tơdrong pơm tơm kơ teh đak. Hơdai hăm ‘nŏh, jăh pơgơ̆r tơlĕch dôm tơdrong jang găh khul linh, vei lăng teh đak, pơgơ̆r bơ̆ jang hrơ̆ch ‘lơ̆ng păng lăp hăm tơdrong vei lăng teh đak.