Đăk Lăk hơdrin đei yua hăm rim 'nu bơngai jang truh 80 triu hlj
Thứ tư, 08:03, 16/07/2025
Lan chih tơblơ̆
Lan chih tơblơ̆
VOV.Bahnar – Kiơ̆ đơ̆ng tơdrong đei jơnei pơm jang lơ̆m 6 khei blŭng sơnăm ou đei yua hloh 7%, dêh char tơchơ̆t hơtŏk jang lơ̆m sơnăm đei yua đơ̆ng 8% tŏk tơ̆ kơpal, tơmơ̆t lơ̆m jên mong teh đak hloh 16.300 tih hlj, rim bơngai jang đei yua 80 triu minh 'nu lơ̆m sơnăm 2025.
Tơ̆ Hop akŏm 'măng mă 2, Ƀan châ̆p hanh Đảng ƀô̆ dêh char Đăk Lăk hlôi akŏm pơma đam gah dôm tơchơ̆t hơtŏk jang mŭk drăm – tơpôl, vei sơđơ̆ng tơpôl lơ̆m 6 khei hơtuch sơnăm 2025. Kiơ̆ kơ ƀok Nguyễn Đình Trung, Ƀĭ thư Tĭnh uy Đăk Lăk, vă keh đang dôm tơchơ̆t tơlĕch, dêh char athei hrôih keh đang jơnŭm pơgơ̆r 2 tăl kiơ̆ pơkăp pơ-'lơ̆ng jơnŭm pơgơ̆r jang tơnăp hloh; hơtŏk tơdrong jang pơgơ̆r dôm jăl jang; khul kang ƀô̆ hơtŏk sơnong jang, akŏm pơgơ̆r jang kơjăp dôm sơnong jang tơm.
Hop akŏm adoi pơma đam, tơgop nơ̆r lơ̆m minh ƀar tơdrong kăp gĭt hơmet ăn Hop akŏm Đảng ƀô̆ dêh char Đăk Lăk jăl jang 2025–2030.
Viết bình luận