Pơma đam akŏm lơ bơngai jang khua hŏk, bơngai chih akŏm hơlen, kơdră kơ dôm anih chih hơlen kơ rim hnam trưng đăi hŏk lơ̆m jơ̆p teh đak. Dôm ƀai đŏk akŏm lơ̆m 3 tơdrong tơm: Kăp gĭt kơ jơhnơr hơrih păng ƀai hŏk đơ̆ng Kăch mang Khei 8 sơnăm 1945; Huế lơ̆m Kăch mang Khei 8; sơnong jang kơ dôm khul jang, anih jang tơ̆ Huế.

Lơ ƀai đŏk ang hơdah nhen: “Kăch mang Khei 8 păng tơdrong hơpơi 'meh pơjing hơtŏk pơdrŏng đơ̆ng kon pơlei Việt Nam”, “Đei jơnei kơ tơdrong tơplih trong pơm jang păng jơhngơ̆m pran đơ̆ng tôm kon pơlei”, “Tơchơ̆t Pơgơ̆r kơdih – tơdrong tơchơ̆t rơngei hiôk hian kơ tôm kon pơlei păng teh đak”… hlôi tơ-iung đei lơ trong jang 'nao, tơgop pơm hơdah kơjă kăp gĭt kơ jơhnơr hơrih đơ̆ng Kăng mang Khei 8.