Bơngai tang măt Somphone Sichaleune pơma hơdăh 2 Đảng, 2 Teh đak, 2 hơdrĕch hơdrŭng păng kon pơlei 2 teh đak ling lang hơdai băl, tơgŭm băl đĭ jơhngơ̆m pơđĭ hloi lơ̆m khei ‘năr iung tơblăh iŏk rơngei teh đak hơdrol sơ̆ păng khei ‘năr pơjing, hơtŏk tơiung teh đak hrei ‘nâu; tơdrong ‘nâu ‘noh hui đei ƀôh lơ̆m dôm tơdrong pơvei apŭng plĕnh teh. 2 păh hlôi drơ̆ng 1 nơ̆r hơtŏk loi dơ̆ng jang hơdai, pơma dơnuh đơ̆ng Anih jang tang măt 2 teh đak tơ̆ Trung Quốc vă tơgop lơ̆m tơdrong hơtŏk tơiung atŭm kơ pơvei pơvei Việt Nam – Lào.