'Noh jĭ tơmam pôk kăp gĭt, pơm hiôk chơt, tơguăt tơguăl lơ̆m tơpôl kon pơlei. Năr 28/8, Thủ tướng teh đak Pơtruh hla bar tơchơ̆t hăm rim anih jang tơm, rim tơring tenh kuăng keh đang asong hơdrol kơ năr 2/9. Anih tơm Jên hu pơgơ̆r asong jên mong, vei sơđơ̆ng mah jên mong kơ teh đak. Anih mong jên kơ Teh đak pơgơ̆r dôm anih jang mong jên tĕch pơdro hơmet tôm jên vă asong ăn kon pơlei.

Anih jang vei lăng kon pơlei dôm dêh char, pơlei tơm athei iŏk jang sơnong asong jên, ưh đei lê̆ hiơt hăm rim bơngai ayơ dah mă hơlơ̆k hơle. Rim anih jang tơroi tơbăt đei pơjao dah hơtŏk tơdrong tơroi tơbăt tơdrong sô̆ hơ-iă ou păng tơdrong kăp gĭt kơ Têt Pơgơ̆r kơdih lơ̆m tôm kon pơlei.