Tơdrong akŏm đei pơgơ̆r kơtă păng chô̆ pơdah trư̆k tuyê̆n truh 102 xah, phương lơ̆m dêh char. Khul kơdră dêh char Đăk Lăk hlôi kơtĭt nut pơtơm tơdrong pơjing tơdrong jang tơplih kơmăi kơsô̆ Đăk Lăk jăl sơnăm 2021-2025, sơkơ̆t hơdah truh sơnăm 2030 – tơdrong jang tơm vă sơng kơ kuh kơ Hop akŏm Đảng ƀô̆ dêh char jăl jang 2025-2030. Dêh char pơtơm "100 năr jang tơm" (đơ̆ng năr 15/7 – 25/10/2025) tơdrong jang “Ƀinh dân hŏk vŭ sô̆” khŏm mă pơlan să tơdrong hlôh vao, tơdrong jang kiơ̆ kơmăi kơmŏk 'nao păng tơplih kơmăi kơsô̆ truh rim thôn, pơlei, kueng kơphô̆.

Tơdrong jang tơlĕch tơchơ̆t vă rim kon pơlei, mă kăl noh kon pơlei tơring kon kông păng tơring hơtaih yaih gơh tơrĕk jang kiơ̆ kơmăi kơsô̆, băt yua tơdrong jang kŏng trư̆k tuyê̆n păng dôm kơmăi kơmŏk kơsô̆ lơ̆m chă pơm jang, tĕch pơdro. Adoi lơ̆m 'măng akŏm ou, rim bơngai tang măt adoi đei hơlen pơlong năng tơdrong yua kơmăi kơsô̆, iŏk yua AI tơgŭm hơlen băt tơdrong tơchơ̆t, asong jăl pơgơ̆r, pơm jang hla bar hanh chinh kơ teh đak.