‘Moi kiơ̆ hla bơar tơbăt păng pơma dơnuh, Tổng Bí thư pơma hơdăh, bơ̆ jang pơgơ̆r, sơng hơvơn mă ‘lơ̆ng, mă kăl lăng kơjăp truh rim bơngai tang măt ‘noh bơngai đei iŏk yoa ăn teh đak, bơngai ‘lŏ kră, dôm bơngai kăl tơgŭm djru. ‘Nou jĭ jơ ‘năr tơƀôh hơdăh tơdrong lăng ba đơ̆ng Đảng, Teh đak hăm dôm bơngai hlôi tơgop ăn Teh đak. Tổng Bí thư pơkă, măt bơngai kon pơlei păng tơmoi luh năm tơ̆ Hà Nội gô tôch kơ lơ, atŭm hloi tơdrong ‘meh vă oei sa, vang năm pơm lêh. Kơ yuơ lơ loh, Khul chĕp pơgơ̆r Trung ương păng pơlei tơm Hà Nội kăl hơmet ăn lơ trong jang sơng hơvơn, truh hloi lơ̆m ‘năr hơlăng. Atŭm hăm tơdrong iung jang tơnăp, bơ̆ jang vei lăng sơđơ̆ng kăl iung jang ‘lơ̆ng, vă rim tơdrong pơgơ̆r tơbăt đei jing năr lêh tih hloh kơ pơđĭ lơ̆m kon pơlei.