Năr 19/8, tơ̆ Anih jang Khul Kơdră, Kơdră teh đak bơ̆n Lương Cường păng Hơkăn ƀok hlôi pơgơ̆r lêh sơng Ƀok Pơtao teh đak Bhutan Jig-me Khê-sar Nam-gel Wang-chấc (Jigme Khesar Namgyel Wangchuck) păng Hơkăn ƀok pơtao năm tơmang kơpal truh teh đak Việt Nam. Đơ̆ng rŏng kơ lêh sơng, 2 pah hlôi akŏm pơma đam. Kơdră teh đak bơ̆n Lương Cường păng Ƀok pơtao Jigme atŭm drơ̆ng nơ̆r akhan, tơdrong jang tơbôl đơ̆ng Việt Nam păng teh đak Bhutan đei hơtŏk kơlih đon bơnôh tơbôl tơnŏ, tơdrong le lăi băl lơ̆m dôm kơjă kăp gĭt păng sơkơ̆t tơdrong jang, vă hơtŏk tơ-iung kơjăp. Kiơ̆ kơ noh,  ƀar pah drơ̆ng nơ̆r hơtŏk hơnơ̆ng tơdrong jang tơbôl păng hlôh vao dih băl, hơtŏk dôm todrong năm hơpeh hơpong hơnơ̆ng hloh; hơtŏk kĭ pơkăp dôm tơdrong jang hơdoi vă pơm trong hiôk ăn dôm tơdrong tơlĕch jang hơdah.

Kơdră teh đak bơ̆n Lương Cường bơnê kơ teh đak Bhutan pơih să tơdrong jang tơbôl, jang hơdoi kơjăp păng kơchăng pơm trong hiôk vă hơtŏk jang hơdoi hăm rim teh đak ASEAN. Đơ̆ng rŏng kơ pơma đam, rim ƀok kơdră hlôi bơ̆ng pang lêh kĭ pơkăp hla bar jang hơdoi kơ 2 Jơnŭm pơgơ̆r teh đak păng hla bar pơm jang hơdoi gah gre păr kơ 2 teh đak.