Kơsơ̆ 20/8, tơ̆ anih jang Trung ương Đảng, Grŭp jang kơsô̆ 2 păng kơsô̆ 3 kơ Anih tơm Chĭnh trĭ yua đơ̆ng Thủ tướng Phạm Minh Chính păng Kơdră Quốc hội Trần Thanh Mẫn pơgơ̆r hlôi bơ̆jang hăm Khŭl chĕp kơ̆l pơgơ̆r Anih jang Đảng dêh char Sơn La, Thanh Hóa, Bắc Ninh, Lạng Sơn. ‘Măng hop akŏm ăn tơgop nơ̆r lơ̆m hla ar kăl păng trong jang bơngai jang pơtruh ăn Hop akŏm Đảng bộ jăl jang 2025-2030. Dôm grŭp bơ̆jang hlôi mơ̆ng roi tơbăt găh Hla ar chih tơroi tơbăt chĭnh trĭ, Hla ar chih tơroi tơbăt hơlen lăng đơ̆ng kơdră chĕp kơ̆l, Tơdrong jang bơngai jang păng hla ar chih ming tơdrong Tơchơ̆t Hop akŏm.

Kơdră chĕp kơ̆l Anih tơm Chĭnh trĭ, Ban Bí thư drơ̆ng lăp, hơdai hăm chih tơmơ̆t dơ̆ng trong vă jang gĭt kăl, pơm hơdăh tơmam ‘lơ̆ng, tơdrong pran păng ‘meh vă hơtŏk tơiung đơ̆ng rim tơring. Dôm  dêh char đei athei chih iŏk tôch ai nơ̆r tơgop đơ̆ng Anih tơm Chĭnh trĭ, Ban Bí thư păng dôm anih jang Trung ương vă chih pơkeh hla ar kăl, hơmet ăn ‘lơ̆ng ăn Hop akŏm Đảng bộ vă jê̆ truh.