Tơ̆ jơ pơma đam, Phŏ Kơdră teh đak bơ̆n pơtruh nơ̆r ƀar pah pơtoi hơtŏk kơtang tơdrong asong khul kơpal năm tơmang dih băl kiơ̆ pơkăp khul kơdră Đảng, Jơnŭm pơgơ̆r teh đak păng Kuôk hô̆i, pơm jang đei jơnei dôm tơchơ̆t jang hơdoi dang ei păng hơtŏk jang hơdaoi lơ̆m apŭng plenh teh, nhen Liên hơp kuôk păng pơkăp jang ASEAN – Jơnŭm châu Âu (EU).

Phŏ Kơdră teh đak pơtruh nơ̆r hăm Kuôk hô̆i Đức pơtoi tơgŭm tơdrong jang tơbôl Việt Nam-EU; hơlen, hrôih kĭ Tơchơ̆t vei lăng Asong jang Việt Nam-EU vă pơjing jơhngơ̆m pran 'nao ăn tơdrong jang hơdoi tĕch pơdro – asong jang kơ 2 teh đak; atŭm hăm noh hơtŏk Anih jang châu Âu dah hrôih sut lê̆ “theh dreng” IUU hăm tơmam ka hơdang mă Việt Nam tĕch ăn teh đak đe. Ƀar pah adoi drơ̆ng nơ̆r hơtŏk jang hơdoi gah vei sơđơ̆ng tơpôl păng dôm tơdrong hop akŏm lơ teh đak, vă vei sơđơ̆ng rơngei păng hơtŏk tơ-iung kơjăp lơ̆m apŭng plenh teh.