Ƀok ră hơdah, ou ưh kơsĭ tơchơ̆t tơgŭm pơm jang, mă oei jing tơchơ̆t tơgŭm ăn kon kông, tơchơ̆t tơgŭm tơjur hin dơnuh, tơchơ̆t tơgŭm hơtŏk kon bơngai păng hơmet 'lơ̆ng đon lui hăm kon pơlei.

Tổng Bí thư, Kơdră teh đak pơma pơgơ̆r: Pơtho tơdrong jang păng pơtho tơdrong gơh jang athei tơguăt hăm tơdrong kĕ đei kơ rim tơring, rim hơdrung bơngai, rim pơlei pơla, ưh đei pơđep pơm kiơ̆ tơchơ̆t atŭm, ưh đei pơtho pơhrăm mơ̆ng kơ vă. Athei akŏm lơ̆m choh jang xa kăp gĭt, mŭk drăm bri, 'long pơm pơgang, rong kon tơrong, jang tơdrong kră sơ̆, tơmang pơhiơ̆ pơlei pơla, vei lăng păng hơtŏk bri; pơih să chă tơdrong jang ăn kơ bơngai jang tơ̆ tơring kon kông. Teh đak tơgŭm tơroi gah tŏk iŏk jên, tơroi tơbăt gah khôi luơ̆t; hơnih jang mŭk drăm, hơp tak xah, hơnih pơm tơlĕch tơmam drăm, tơroh tĕch răt tơmam drăm pơm đei, pơtho gah kih thuơ̆t, pơjing hơnăn, tơchơ̆t 'lơ̆ng; tơring athei pơtơm tơdrong jang sơđơ̆ng, tang găn tơdrong năm jang tơ̆ nai, tang găn tơdrong mă kon pơlei ƀơm đe pơhlŭ pơhlôm.