Vă jê̆ 30 nơ̆r pơma tơ̆ hop akŏm hlôi akŏm tơblang hơdăh tơdrong đei yua ‘lơ̆ng păng tơlĕch trong jang hơnhăk dêh char jing jang tŏk lơ ‘nao, tơgoăt Tây Nguyên, tơter đak dơsĭ Nam Trung Bộ păng Campuchia đơ̆ng rŏng pơih să hơnih hơtŏk tơiung gơnang đơ̆ng tơmơ̆t hơdai tơring teh. Pơma tơ̆ hop akŏm, Bí thư Anih jang Đảng dêh char Đắk Lắk Lương Nguyễn Minh Triết pơma hơdăh, dêh char gô chih iŏk dôm nơ̆r apĭnh đơ̆ng bơngai joăt jang jing bơ̆jang hơdăh, đei anih jang pŭ hơnăp jang rơđăh rơđong.

Tơdrong tơm ‘noh jĭ pơjing khŭl kơdră chĕp kơ̆l pơm pơjing, pơvih pơvăn, iŏk kon pơlei păng anih mơdro pơm tơm, lăng tơdrong hơtŏk tơiung kơ anih mơdro sa păng ‘lơ̆ng hơnih tơmơ̆t jên jang pơm ‘long rek pơtŏ đei yua vei lăng tơring. Dêh char gô athei pơgơ̆r dôm ‘măng bơjang hăm anih jang 1 trong hơdah ‘lơ̆ng hloh đơ̆ng rŏng hop akŏm âu vă bơ̆jang kiơ̆ ‘lơ̆ng dôm đon tơchĕng vă jang.