
Ƀok Kơdră dơnơm Đỗ Tiến Sỹ atŭm hăm lơ bơngai jang ƀăo vih tơƀlŏk kơ tơdrong jang muih mơng, sơkơ̆t sơnong yuk hơlou kơ VOV lơ̆m tơdrong hơtŏk ƀăo chĭ kăch mang. Ƀok Đỗ Tiến Sỹ ră hơdah: Khei năr oei hơrih, ƀok Kơdră Hồ Chí Minh 6 'măng năm tơmang truh Rađiô nơ̆r Pơma Việt Nam, akŏm đei lơ nơ̆r tơtă kăp gĭt. Băt hơdah nơ̆r mă Ƀok tơtă, vă jê̆ 80 sơnăm kơ ou, VOV hơnơ̆ng vei sơđơ̆ng sơnong jang kơ bơngai yuk hơlou lơ̆m tơdrong jang đon bơnôh – joh ayŏ hŏk pơhrăm, yak hơdoi hăm kon pơlei kiơ̆ rim jăl kơ jơhnơr hơrih.

Hăm sơnong jang pơlan să 'mêm kơ-eng, tơguăt kon pơlei Việt lơ̆m păng 'nguaih kơ teh đak, Rađiô nơ̆r Pơma Việt Nam sơkơ̆t hơdah anih dơ̆ng jing anih jang gah nơ̆r pơma xa dơnơm, tơgop pơjing tơdrong jang ƀăo chĭ rơgei 'lơ̆ng, tơgop nơ̆r pơma pran kơtang ăn tơdrong jang vei lăng păng hơtŏk tơ-iung teh đak.
Viết bình luận