
Pơgê hrôih ‘năr 5/6, Thủ tướng Phạm Minh Chính păng hơkăn sư kŭm hăm Khŭl tang măt gĭt kăl kơ Teh đak bơ̆n lĕch đơ̆ng Anih tơm Hà Nội năm Hop akŏm găh Đak dơsĭ Liên hợp quốc ‘măng mă 3 (UNOC 3), pơgơ̆r lơ tơdrong jang 2 pang tơ̆ teh đak Cộng hòa Phalăng; năm ngôi tơ̆ teh đak Cộng hòa Estonia păng teh đak Thụy Điển đơ̆ng ‘năr 5-14/6/2025 kiơ̆ nơ̆r krao hơvơn đơ̆ng Tổng Thư ký Liên hợp quốc Antonio Guterres păng Kơdră tơm teh đak Cộng hòa Phalăng Emmanuel Macron, Thủ tướng teh đak Cộng hòa Estonia Kristen Michal păng Thủ tướng teh đak Thụy Điển Kristersson.

‘Măng năm bơ̆jang đơ̆ng Thủ tướng Phạm Minh Chính ‘măng âu hơnơ̆ng tơlĕch jang trong jang tơbôl hiôk hian, pơm tơm kơdih, lơ trong, kơchăng, hơdrin mơ̆t jang hơdai hăm apŭng plĕnh teh tôm tơdrong, jrŭ să păng đei yua kiơ̆ jơhngơ̆m đon Hop akŏm XIII kơ Đảng, dôm tơdrong Tơchơ̆t đơ̆ng Anih tơm Chĭnh trĭ.
Viết bình luận