Găh jăl jang đơ̆ng 2020–2025, Thủ tướng pơma hơdăh tơdrong gĭt kăl, hăm lơ tơdrong krê đơ̆ng sơ̆ tam mă biơh đei nhen jĭ hơbuh COVID-19, tơdrong tơblăh lơ̆m apŭng plenh teh, tŏ ‘mi kial kơnê̆..., Khul kơdră teh đak akŏm jơhngâm bơ̆ jang 3 tơdrong jang tŏk gĭt kăl, atŏk tơiung anih jang, trong nơnăm, tơdrong chĕp kơ̆l pơgơ̆r, khul bơngai jang; vei lăng kơjăp ‘lơ̆ng tơdỏng sơđơ̆ng teh đak, vei lăng ‘lơ̆ng tơdrong arih xa tơpôl.

Mă lei oei đei 1,2 tơdrong ưh hơiă, nhen trong chĕp kơ̆l pơgơ̆r oei hơdrom băl, tơdrong hơmet ming trong vei lăng tam mă pơm lăp hăm tơdrong ‘meh vă, ki luơ̆t tam mă tơpăt. Thủ tướng athei hla ar kăl chih hơdăh dôm ƀai hŏk kăp gĭt, tơlĕch trong jang ăn jăl truh vă jang tŏk truh 2 kơsô̆, iŏk yoa jô̆ păh lăp kiơ̆ kơ̆l bơngai đei 8.500 USD, 20% anih jang Đảng jang đang ‘lơ̆ng tơdrong jang đei pơjao. Tơdrong tơm ‘nŏh tơplih ming trong jang tŏk rơgŏh ‘lơ̆ng, kơjăp đunh; hơmet pơ ‘lơ̆ng anih jang, trong nơnăm gĭt kăl; hơtŏk tơdrong jang khul linh, vei sơđơ̆ng teh đak.