Thủ tướng ră hơdah, đak dơsĭ ưh hơdrô̆ jĭ mŭk drăm cham char mă oei jing anih pơtơm kơ tơdrong hơrih, tơroh kon bơngai hăm cham char. Hăm Việt Nam, hloh 3.000 km cham đak dơsĭ jĭ um pơtih kơ joh ayŏ, đon bơnôh kon pơlei. Hơtŏk mŭk drăm đak dơsĭ đei jơnei, kơjăp sơđơ̆ng jing tơdrong kăl kăp gĭt păng jing trong iŏk pơm jang vă Việt Nam jing teh đak jang pran kơtang gah đak dơsĭ, jang đei jơnei tơchơ̆t hơtŏk tơ-iung, đei yua lơ ah sơnăm 2045.

Thủ tướng hơvơn hơtŏk chih hơlen khua hŏk gah đak dơsĭ, asong kơmăi kơmŏk 'nao, asong yư lĭu păng tơdrong hlôh vao, hơvơn jang tơnăp dôm mŭk drăm hlôi đei vă hơtŏk mŭk drăm đak dơsĭ kơjăp sơđơ̆ng, hơtŏ hơnơ̆ng, tôm tơdrong păng tơguăt kơjăp hăm vei lăng 'lơ̆ng đak dơsĭ.