Ƀok Trần Mạnh Toàn đei pôk tơmơ̆t pơm Kơdră chĕp pơgơ̆r; rim ƀok, yă Tạ Đức Hậu, Phan Ngọc Luận, Đỗ Thị Hằng păng Đàm Thị Thanh Quế iŏk jang Kơ iĕng Kơdră chĕp pơgơ̆r. Ƀao hiêm Tơpôl tơring XXVI iung jang đơ̆ng năr 1/6/2025 hăm 1 ‘nu kơdră chĕp pơgơ̆r, 4 ‘nu Kơ iĕng kơdră chĕp pơgơ̆r, 8 hơnih bơ̆ jang păng 22 hơnih Ƀao hiêm tơpôl tơring, hơnih bơ̆ jang tơ̆ Pơlei tơm Buôn Ma Thuột. Kơ iĕng Kơdră chĕp pơgơ̆r Ƀao hiêm Tơpôl Việt Nam Trần Đình Liệu athei hơnih ou hrôih sơđơ̆ng hơnih jang, iung jang kiơ̆ ƀlep dôm tơdrong lơ̆m tơring, pơchoh trong tơtom vă vei kơjăp trong bơ̆ jang, ưh kơ lê̆ kơtĕch toch broch jơ ‘năr bơ̆ jang. Lơ̆m ou đei tơdrong vei kơjăp rim Tơdrong tơchơ̆t tơgŭm djru dôm bơngai răt yoa ƀao hiêm tơpôl păng ƀao hiêm jang pơgang, sơđơ̆ng đei iŏk yua sa hơpăh, ưh kơ lê̆ đei tơdrong kơtĕch toch broch.