Daok danaok di phuong Long Hoa, Baoh Sang Cao Dai Tay Ninh meng kal mai hu jeng sa mbaok meta brei ka ilamo, adat cambat tanarakun gheih karei di bhum taneh Meraong Negar. Danak dak hu peih padang di thun 1933, pakak tagok sang di thun 1955. Harei ini, Baoh Sang Cao Dai Tay Ninh oh lac hu sa janih khik bruk ngak pasak di rahra tui Aguma Cao Dai blaoh daok jeng danak dak thaik thaot sang danaok gheih karei, daong gak jeng sa bruk mekre karei ka gah jirah rivang Tay Ninh.

Taong abih quan the Sang Aguma hu 100 banah praong sit, dalam nan, naih gheih abih lac chính điện atah jaik 100m hu dua baoh bimong glaong di gah anak. Dalam pasak baoh sang lac majam gang girai hu paoh sarak biak tani tanat gheih ghang, hu rilo sambo bar gheih ghang. Di angaok lac sa baoh Mata Langik – thaik thaot brei thau ka aguma Cao Dai, hu caik di labik di kreh hu makna, ngak jeng sa bruk  ginreih mekre ka labik duh yang mabang ugama.

Oh lac sa janih brei naih gheih ka thaik thaot sang bimon ugama Kao Dai, vil taom dan Baoh Sang Cao Dai Tay Ninh jeng caik gilac rilo bruk chreih mekre jeng ye dom talei phun hijao halui, mblang bein praong laneing lanoi saong sron mbon oh run thring.

Sa di dalam dom danak dak dui pachreih tuai damuai jirah lac hu mbaok tame dom tukvak ngak adat hu peih yaok harei. Abih di nyu nan lac, tukvak ngak adat di tuk 12 ieu lac bruk duh yang biak praong prang, samu gauk saong ndung bak ilamo karei di Baoh Sang Cao Dai Tay Ninh. Dalam labik gandi gandang, sap phling ragam adat hlai gam haong bruk ngak adat jeng sa bruk brei mboh ginreih saong karei haong rilo tuai damuai mbang akaok meti ba drei tame jirah.

Taphia bruk siam gheih ka ugama Cao Dai Tay Ninh urak ini daok lac sa di dalam dom labik mai jirah rivang hu makna dalam luac jalan jirah rivang bhum taneh Tay Ninh. Rilo tour jirah rivang urak ini urak ini pambuak jirah rivang Baoh Sang Cao Dai Tay Ninh saong ceik Amuk Juk, danao Dau Tieng atau dom palei ngak bruk meng kal ngak jeng chuoi ndap nda kaya jirah rivang rilo gah, pabak hatai caong ba drei tame di tuai damuai.

Tui jalan pamaong tal jirah rivang di tinh Tay Ninh, bhum palei daok pataom tame patagok jirah rivang yang mebang aguma Baoh sang Cao Dai Tay Ninh hu brei mboh lac sa dalam dom kein lagaih naih gheih. Tay Ninh sangka iek praong padang kaya jirah rivang ndung ilamo karei, pagam haong sajarah siam gheih, tanarakun saong ilamo gheih karei di bhum palei. Tinh patui veik buh jien tame ngak sang danaok jalan mbak, paglaong jitvu jirah rivang saong jhul khang bruk yaih khan thaik thaot tapa rilo danak dak ilamo, raya adat, danak dak jirah rivang praong.

Ong Nguyễn Thành Thanh, Phaok Yam ndok So Ilamo, Pahat padhih saong Jirah rivang tinh Tay Ninh brei thau, jalan ngak jirah rivang urak ini oh lac padeih di bruk rivang me-in, padeih padei blaoh daok pamaong tal ba drei tame gah ilamo siam gheih di Tay Ninh patagok kein lagaih, daong ngak jeng bruk gheih mekre karei ka jirah rivang Tay Ninh di angaok harak ban do jirah rivang Viet Nam.

Gam tui dom thaik thaot sang danaok gheih karei, yaom kaom ilamo siam gheih jeng ye bruk hu makna dalam raidiuk duh aguma yang mebang di urang bhum Meraong Negar, Baoh Sang Cao Dai Tay Ninh patui veik lac bruk gheih mekre brei ka jirah rivang gah Meraong. Oh lac daong yaih khan thaik thaot Tay Ninh nao tal tuai damuai dunya, danak dak daok lac labik khik ramik dom ilamo siam gheih, bruk gheih karei di bhum taneh meda sajarah saong adat cambat tanarakun./.