Dom harei puac bilan Pak, tui ragam takai di urang di danaok daok, khol dahlak hulin duah tal xa Ô Lâm piah mai tal sang baha Snayđonkum – baoh sang baha hu rahra di ini ieu meng angan biak mboh hadah mbaok meta “Sang baha B-52”.

Dalam mblang taneh praong labaih 1,5ha, dom danak dak bahrau siam gheih, hu rilo sambo bar Phat yao Theravada hu padang tagok meng mbuk jaleih klak. Min, tukvak oh lam bak hu dom dhun bau meng kal. Pabah bambang tame sang baha meng kal jeng daok dom inem apui mbang khiak kayua mbom siu saong dom labang mbom patuh meng kal hu pasiam jeng dom danao caraih pahe bangi.

Po acar angan Chau Hương brei thau, angan “Sang baha B-52” oh lac daok thaoh bo hu. Dalam dom thun mesuh metak pacang kol My daong negar, sang baha Snayđonkum oh lac labik tu hành blaoh daok lac “gah daong likuk” karo kajap, pacang saong daong ka bol lin hu makna. Piah padam hatai taong mesuh di bol lin saong rahra bhap bini di drei, Kol de quoc Mi palaih trun rilo di ini yaok ribau tan mbom siu.

Dalam mblang sang baha Snayđonkum harei ini, dom labang mbom B-52 jeng daok hu khik ramik yau sa baoh gilang di langiu mblang langik. Dom labang mbom siu urak ini that hijao meng bingu hareik. Dang anak dom inem mek nan, rairah sit thun umo uranaih jaman ini meda sahaneng mboh hu tantu ka bruk jhak di mbang mesuh metak saong bruk salih piah mek hu bebas bo mukkei hu salih meng darah talang ghang.

Mbang akaok meti uak takai mai tal sang baha Snayđonkum, sa-ai kamei Nguyễn Thị Hòa sa urang jirah tuai dauai mai meng Ha Noi mboh katuak drei dang anak bruk biak gheih di ini. Dang anak dom inem mek jaman masuh matak, sa-ai Hòa saong kapul ayut cuai hu thau jang ka salamat, bebas harei ini hu salih meng bruk halan tian di dom rai rah mukkei nao dahlau.

Sa-ai Hòa brei thau: “Tal ini, dahlak yau ye mboh anit ranam jang brei ka taneh iai Negar drei. Dom inem mek gheih mekre drut hatai hu daok khik ramik di “sang baha B-52" yau sa mbaik truai truac hadah jalan diukrai, daong pabak hatai mboh hadah mbaok meta ka bangsa negar saong hatai thau ka bruk di drei ngan haong palei pala dalam yaok menuac urang drei”.

Ong Phan Thanh Lương, Akaok UB Bhap bini xa Ô Lâm ndom lac, sang baha Snayđonkum oh lac daok rah rai yau sa bangu caraih di kien truc dang danaok ugama Bhat Theravada, blaoh daok yau sa inem mek, sa “labik bhong meraih” brei mboh ka hatai anit ranam di bangsa negar drei. Tukvak mai meng anak tal di xa Ô Lâm daok patui pambuak haong Po gru sang baha Snayđonkum gam haong labik hu pambuak pasiam pakajap gilac sang baha Snayđonkum dak harei dak praong laneing lanoi; pamaong tal bruk pandar siam lagaih inem mek pagam haong patagok jirah rivang sajarah – ilamo, paglaong siam lagaih bruk pasang iek, pacang khik inem mek; tapa nan rik daong lagaih tame bruk patagok kinh te – xa hoi karo kajap di bhum palei.

Labaih meteh abap rah tapa, di taneh glai mbaih mbaoh kayua meng jaman mesuh metak, sang baha Snayđonkum hu “pahadiuk” siam gheih. Baoh baha cuk tame rup sa thaik thaot biak gheih, ndung bak ilamo bhap bini di bangsa Khmer; lac hatai je ka hatai anit ranam negar, sa hatung hatai. Sa hatai “darah saong bangu” hu pasram tapa apui mbom siu, urak ini daok pachoh dalam sron mbon salamat, daong ngak gheih ghang jang brei ka bhum taneh daok di tapen negar bhum Pei Meraong taneh ia negar./.