Bhum ceik gah Pei tinh Thanh Hoa, lac sa labik diuk rai suai lavik di dom bangsa takik yau ye bangsa Mường, Khơ Mú, Thổ saong Dao. Dalam nan rilo abih lac bangsa Thai.

Meng kal mai, dom urang kamei bangsa Thai praong tagok dalam sang tong, tangin bhian randap ngui haong kapah meng tuk umo 6, 7 thun. Tui dom urang nan, yaok blah khan bai pataih oh lac piah ngui cuk, blaoh daok lac “blah harak angan” di bruk gheih tangin, thau ngak bruk sang. Urang bangsa Thai jeng ndom ka gauk panuac ndom: “Urang kamei thau menyim khan bai pataih, urang likei thau pak hanyuel, paneh mbram thruk”. Sa urang kamei menyim gheih, jhik gheih mbuan ngak ka rilo iurang likei “caik hatai tuei khap”.

Mayit mayau uranam yau nan blaoh cakrok, njuel njac min nyu mboh gheih mekre. Ranam anit min oh ka tal. Tuk dua urang “takre gauk”, gah likei ba ahar tapa likau jeng diuk pasang. Min, oh hu ba hu mek metau kamei mai sang tuk nan. Salih di nan, urang likei brei daok ngak anek metau ganap 3 thun meng hu.

Hadei adat lakhah akaok meti, urang pasang tame raidiuk daok ngak anek metau. Dom harei tagok apuh, tame glai kaoh njuh, sangka apuh hamu pala drah lac bruk brei mboh ka bruk praong jeng menuac jeng urang di sa urang likei dahlau tuk padang sa baoh sang di drei. Dalam tuk nan, urang anek kamei tari taring menyim khan bai srap gap ka harei sang likei ngak anek metau.

Tui ong gru mo Đinh Xuân Nguyên (xa Xuân Du, Thanh Hoa), tamat blaoh abih 3 thun, adat lakhah mbang ka dua hu peih ngak. Adat lakhah mbang ka dua, lac sa adat bhap bini hu rilo makna siam mekre, brei mboh ka dom adat jalan sahaneng ka bruk tok diuk tok pasang, baoh sang saong bhap bini di urang bangsa Thai labik palei gah Pur Thanh.

Mai tal sang lakei, urang kamei ngak diuk rao takai meng ia jangaih, adat hu makna rao hacih bruk meng dahlau mai, srap gap ka sa raidiuk bahrau. Dang Anak paban duh mukkei, dua urang jeng diuk jeng pasang, hu jao alin kaong vía haong panuac tadhau ayuh sa rituh thun selamat hanim phol.

Tuk ngak adat tamat blaoh, sap hagar, sap caing yawa tagok sameng chreih chrai. Gauk gan, but pajaih, mikva palei pala tamia saong gauk, adaoh tadhau ayuh brei ka dua urang jeng adiuk pasang siam makre selamat.

Jaman ini, dalam raidiuk bahrau, adat lakhah dua mbang hu urang Thai Thanh Hoa khik ramik yau sa drap ar ilamo daok diuk rai. Oh lac sa janih khik ramik ilamo bangsa, adat cambat blaoh daok kakei brei kanal hadar ka dom yaom kaom karo kajap yau ye: Uranam pagam haong bruk di drei, diuk pasang mai meng bruk ngak mbang saong hanim phol selamat hu padang meng bruk klah rabha di sabhap bini rahra…/.