Hu sa baharei puac adit di baha Sóc Sâu, xã Gò Quao, tỉnh An Giang, sap capi, sap ginang, sap kadet sarunai, sap phling yawa tagok di baoh baha Khmer.

Tui hatai ba di saai Danh Nghiệp, urang daok di palei An Phú, xã Gò Quao, urak ini jeng urang pan akaok kapulan (Kpl) Main daoh take Khmer palei An Phú, ralo adei sit takre chreih pasram ragam ragu, ragam tamia bhap bini bangsa.

Kpl Main daoh take Khmer palei An Phú urak ini hu 20 urang tame main bhian. Oh sa janih main di dalam harei raya praong di palei, blaoh Kpl ini daok hu urang daa raok yaih main di ralo bhum srok karei jaik taphia.

Saai Danh Nghiệp khan brei tahu lac, mai meng duh hatai brei ka ilamu mada daok kurang lahik, langiu di bruk ngak harei harei, saai daok buk ralo masa tuk wak brei ka bruk pato padar ragu ragam ngũ âm jeng ye dom ragu ragam tamia bha bini bangsa Khmer brei ka dam dara uranaih dalam bhum palei. Saai Danh Nghiệp khan brei thau lac: “Dom urang magei urang main hu angan mban dalau oh daok ralo. Mayah damdara uranaih jaman ini oh hu urang daok thau daok dar ialmu ragam ragu bangsa ye mada tal harei lahik abih. Kayua yau nan ye, akau dahlak lakau tame baha pato tacei brei ka dom adei”.

Dreih yau nan, di xã Đông Thái, tỉnh An Giang, Kpl Main daoh take Khmer Baha Thứ Năm, padang di thun 2022. Kpl daok daong ka dom adei anek saih, damdara uranaih Khmer roh duah bac magru ilamu seni bangsa. Yaok baharei trun, anak mblang baha grungrang sap ragam sap adaoh di anek saih pataom gauk hadei di pasram ragam ragu.

Ông Danh Phúc - Giám đốc Sở Dân tộc và Tôn giáo tỉnh An Giang, brei thau lac, piah khik hu ilamu nghệ thuật bhap bin bangsa Khmer, di dom thun blaoh tapa, tỉnh jeng ngak ralo danak dak praong sit, jeng hu dom baoh siam. Masa waktu meng anak, tỉnh daok peih tabiak dom danak dak praong jang piah pachreih ralo urang damdara uranaih tui tame ngak tame main, daong ka ilamu bhap bini di urang bangsa Khmer patagok.

Tapi min, tui ragam patagok drah samar di taneh ia nagar jeng dak tabiak brei ka bruk ngak bruk paslih barau brei ka glao akaok saneng ngak yau habar bruk ieik glang ramiramik ilamu jeng ye bruk ngak brei ka bangsa ugama. Ông Nguyễn Hoàng Hành - Phó Vụ trưởng Vụ Dakwah tuyên truyền, Mintri Bangsa dan song Ugama, brei thau, njauk pasalih akaok saneng brei ka bruk “khik caga ramiramik asar ilamu” salih tapa “ieik glang brei ka bruk patagok ilamu tui yaom kom di nyu”. Dalam nan, Karja Nagar khi hatai pan akaok bruk dah krah ngak tabiak ialamu, daok bhap bini ieu lac urang po ngak tabiak kaya yaom kom ilamu di nyu jeng ye jeng pasak asar dalam bruk khik caga, dahkrah yaom kom ilamu jeng ye patambak ilamu. Pasalih lektaka số oh lac sa janih số hóa dom baoh kadha ilamu, blaoh daok số hóa bruk ngak patambak ialamu nyu, pambuak saong uranaih damdara pagam saong ialmu bangsa tui jalan barau chreih chrai sambai suka jang.

Ths. Trần Đỗ Huệ Minh – Sang bac Cao đẳng Jirah Cần Thơ, brei thau lac, ilamu bangsa Khmer mada akan jeng halau kaya kan praong brei ka danak patagok ilamu bhum palei mayah brei ngak njauk phun njauk jung njauk jalan thuan di nyu.

Tui Ths. Trần Đỗ Huệ Minh, majam baha Khmer, harei raya bangsa, ilamu bhap bini dan saong kaya kan gah mbang huak ieu lac dom janih kaya kan siam brei jeng ndap nda kaya ngui patagok jirah riwang brei ka tuai damuai. Tapi min, bruk ngak jirah njauk caik hatai tal bruk khik caga ilamu, pok praong pok glaong ilamu yamabang jeng ye raidiuk mikwa bhap bin rahra. Asar urang bangsa Khmer, dalam nan urang damdara, uranaih njauk jeng manuac urang pambuak bruk khik ramik brei ka ilamu bangsa drei /.