Daok di ala halui dom phun kayau praong, sang baha Dơi meng kal mai hu thau tal lac sa danak dak thaik thaot sang danaok Khmer yao klak gam haong he sinh thai meng alam langik gheih karei. Di jaman naih gheih abih, inem mek pakat negar ini lac “angan je” jirah rivang naih gheih abih di bhum, dui pachreih tuai damuai grauk labik tuh mai duh paling saong maong tapol ciim dhun praong tuel drei di dom hala phun kayau.

Min, tui tukvak gam haong rilo bruk tagok trun ka thaik thaot saong alam langik sinh thai, tuai damuai dalam negar patrun rilo. Yaom lac hu rah tapa jaman biak chreih chrai rilo tuai damuai, di urak ini, labik gandi gandang saong bruk daok tamo di baoh sang baha Dơi jeng daok khik hu prein dui pachreih karei; dalam nan, sang baha jeng raok tuai damuai mbiah hu tani tanat.

Thuong toa Lâm Tú Linh, Phaok Akaok baoh sang baha Dơi, sang baha jeng daok khik tani tanat bruk peih ngak dom harei raya adat cambat bhap bini yau harei raya Chol Chnăm Thmây, Sene Dolta, Ok Om Bok… piah khik ramik ilamo bhap bini di bangsa. Bruk di baoh sang baha anak tuai damuai rivang me-in lac chreih chrai raok da-a min oh mek oh pandar likau.

Prein dui pachreih di baoh sang baha Dơi ngan haong tuai damuai jirah mai meng labik hijao halui, thaik thaot sang baha daok tamo saong njauk ndom tal lac he sinh thai mai meng alam langik – labik daok pandaok di ciim dhun. Yaom lac urak ini ciim dhun kurang trak, thaik thaot tamoi ini jeng daok lagaih haong hatai chreih duah thau di tuai damuai atah.

Oh caik abih ka bruk ngak “jirah rivang” oh njauk lac sang baha neh klah patruh tabiak saong bhap bini. Sang baha Dơi daok peih dom jalan pambak tabiak drap ar ilamo oh mboh di metam pagap yau ramik caga labik alat ragam ngu am dalam mblang sang baha duh ka tuai damuai. Sang baha daok hu dom yava ilamo bhap bini biak gheih karei yau kadha ka “pabui 5 kakau” – kadha ini hu dui pachreih gah ngak film mai duah thau.

Ong Sầm Long Giang, Phaok Yam ndok So Ilamo, Pahat padhih saong Jirah rivang ban raya Can Tho brei mboh, dom thiet che ilamo ugama Bhat Theravada Khmer lac halau drap ar ilamo biak gheih karei, ndung bak yaom kaom naih gheih ka sajarah, thaik thaot sang danaok, seni nghe thuat, tanarakun saong raidiuk bhap bini. Bruk pandar siam lagaih majam sang baha gam haong dom raya adat bhap bini di bangsa Khmer daong hu makna dalam bruk ngak meda kaya jirah rivang ilamo, jirah rivang bhap bini saong jirah rivang me-in di ban raya.

Piah langyah kadha pasamu di bruk khik ramik saong patagok, tukvak anak tal, So patui pambuak haong karja palei saong dom labik ugama peih ngak dom adat ndom puac siam gheih di jirah rivang brei ka tuai damuai mai tal dom labik ngak yang mabang.

Bruk pandar jirah rivang brei tacei ba tuai damuai ngak njauk adat ka khan ao ngui cuk, patakik bruk ngak pambuak tal bruk di aguma saong patruh oh ngak dom jitvu pablei salih dalam labik duh paling. Gam haong nan patagok bruk pato pasram ka kapul tacei ba, gah ngak mbang pablei salih saong bhap bini piah paglaong ilamo pacang khik drap ar ilamu.

Gah jirah rivang ban raya pagam pambuak kein lagaih bhap bini tame jalan patagok karo kajap. Cambaih laih lac, jhul samar bruk pambuak rilo gah piah srap gap, paglaong ilamo ngak jirah rivang bhap bini ka rahra. Patagok kaya OCOP, kaya ngak gheih meng tangin saong kaya mbang bhap bini, pambuak gah ngak mbang pablei salih jirah rivang dui pachreih tuai damuai mai rivang me-in, blei kaya, brei bruk ngak tapak ka mikva. Patagok jirah rivang meng meta maong di dom baoh sang baha ugama Bhat Theravada Khmer oh lac sa gah meta maong sa sambo bar./.