Mbang pakacah THPT thun 2026 peih tabiak di harei 11 saong harei 12 bilan 6 anak tal  hu labaih 1,2 trieu anek saih tut angan pakacah. Dalam negar  hu jaik 2 ribau  500 labik pakacah hu 500 labik pakcah saong jaik 50 ribau bilik pakacah. Tui Mentri Pato megru urak ini taong abih bruk pasram  ka urang iek bruk pakacah jeng yau dom bruk ngak hu salah blaoh. TPHCM saong tinh An Giang padang ngak rilo jalan pajeng ba đề thi kadha pakacah nao tal dom bhum kaoh pulao meng jalan tathik saong jalan kapal ahaok.

Urang hu angan je dalam bhap bini bangsa takik di tinh Vĩnh Long brei daong brei abih jien blei BHYT meng kadung jien di tinh. Langiu di nan, yaok urang daok hu daong 200 ribau dong yaok bilan piah duh ka bruk duah thau, pathau khan ka bhap bini dalam bhum palei. Tỉnh Vĩnh Long hu 445 urang hu angan je dalam bhap bini bangsa takik. Ini lac  dom urang  hu rik daong tame  bruk patrun kathaot , padang palei pala birau, khik ilamo siam gheih di bangsa saong khik kajap bruk quoc phong, an ninh di bhum palei.

Akaok Uy ban Bhap bini tinh Lam Dong caong khin dom so, dom gah, karja bhum palei saong urang buh jien tame ngak salah harak gal buh jien tame ngak 14 danak dak padang ngak birau alam bruk buh jien meng kadung karja thun 2026, jhul pakhang bruk  peih brei phun jien di karja saong patagok kinh te - xa hoi di palei. Tui nan, iew dom so, dom gah pambuak tal tuk taduan hu bruk tacei pato atau duah thau hatai sahaneng samar, oh caik tapa dua harei ngak bruk.

Roya Caraih Dong Thap dan haong kadha “ Mai  bhum taneh Sen pang dalikan” peih ngak meng harei 18 tal harei 21 bilan 6 anak tal. Roya thun ini ba mai ka labik“Jalan Caraih”, “ Gom menyek nghe thuat”, ngak mekre “ Caraih dalam ban”…gam haong dom bruk ngak pablei salih, yaih khan, yulit Labik parang iek, yaih khan dom kien laba di pandap caraih; kaya OCOP, kaya bhum taneh. Ini lac bruk lagaih piah peih tabiak pambuak bruk buh jien tame  ngak mbang, pachreih bruk pablei salih, yaih khan yulit saong patagok gah janih kaya caraih tui jalan khang kajap.

Dalam bilan 6 ini, hangin kreh khang jang ba tal hu hajan ralo min TPHCM saong bhum taneh gah Meraong negar  daok hu rilo labik panjiak. Langik panjiak glong abih  meng 31 - 34 do C, hu labik  labaih 35 do C. Kuhria labaih ia hajan dalam bilan 6 meng 15 tal 25 harei. Dom urang ilamo kakei, brei pacang caga hangin khang, jakala, hajan patau atau  hajan praong ngak ia dauk njauk caik hatai labik ban medil.

Campuchia peih ngak dom mbang pagui mek dom pasak pachot pagat online khang jang dalam tukvak jaik ini, hu labaih 300 labik pamong tal, dalam nan hu rilo labik ma-in mbia. Yau nan min, dom urang ilamo kakei dom kapol nyaom pachot pagat daok salih tapa  bruk ngak sit jang, dauk dalam sang glong rilo tal, sang pho atau dom labik daok di bhap bini pak Phnom Penh. Bruk nan kan dauh saong chap mek kan jang, tui nan ngak ka rilo urang gal tavak tame dom jalan pachot pagat birau.

Rajaei Sangapore daok ngak brei patagok bruk tui iek saong pasang iek AI, piah ba mbuan lagaih ka urang jakar pandar dom AI birau tame daong ngak bruk hu siam lagaih. Ini lac sa dalam dom bruk kham merat di Singapore piah pandar AI tame ngak bruk karja. Dahlau di nan, taneh ia ini hu ba AI tame langyah bruk likau ba-ar adat ngak mbang pablei salih saong daong xa hoi.

Tong thong Mỹ Donald Trump mbaoh tangin sarak brei ramik pasiam jien je ka thép blei meng negar langiu tame, nyom saong bar. Tui nan, brei trun jien je ngan haong dom kaya ngak meng 25% trun 15%. Pasiam veik bruk ini brei adat ka dom kong ty negar langiu taduan hu jien je 10% meyah kurang phun jien di urang dalam nan hu takik abih lac 85% thép atau nhom ngak tabiak kaya atau thak pasei saong tuh pandap di Mỹ kuhria tui trak atau hanjol./.