Tong Kong ty Mblang kapal ahaok Viet Nam peih ngak “Tabiak ngak bruk 180 harei melam  ngak samar  danak dak saong ba mblang kapal ahaok Long Thành tame ngak bruk”, brei peih bruk pakacah tabung glong di labik padang ngak. Mbiah tal ini, danak dak ngak hu 76% dalam taong abih dom sarak hu mbaoh tangin. Sang tuai damuai daok cang di Mblang kapal ahaok Long Thành (baoh hatai di danak dak) ngak salah taong abih bruk ngak jiak si blaoh, pagam mac jamraih, kuhria caga bruk ngak samar blaoh.   

Sarak dut iek prein yawa yaok thun oh mek jien hu brei ka bhap bini Viet Nam daok di ban raya TPHCM,  dalam nan hu urang tut angan labik daok saong daok tam, brei thau khaw tin labik daok tapa cơ sở dữ liệu pakat negar saong tapa ung dung VneID. Tuk  nao iek ruak, bhap bini ba tui can cuoc bhap bini pagam chip atau phone tangin  hu pagam VNeID piah labik y te, brei thau khaw tin saong ba du lieu  ka prein yawa dien tu.

 Meng harei 3 tal harei 7 bilan 6 di tinh Dong Thap peih bruk pablei kaya ndap nda yaom lap tui kadha “ My Tho Mega Sale 2026". Di labik ini pataom hu labaih 100 labik pablei kaya hu mbaok di labaih 300 kaya hu angan je, dalam nan hu dom kaya danei angan di 40 doanh nghiep dalam negar saong dunya. Dalam nan hu rilo doanh nghiep pablei trun yaom meng 80% -90%. Ini  lac bruk lagaih ka bhap bini blei hu kaya yaom glong saong rik tame pachreih urang dalam negar blei, jhul pakhang bruk ngak mbang di tinh samar tagok 2 taka so.

Dalam negar hu labaih 1 ribau 566 xã mbuan apui khuah glai. Dalam nan, hu 828 xã kakei apui khuah glai pakat 5 nan lac pakat mbuan khat lahik, bala rah tabiak kayua rilo harei tapa  langik panjiak dui atah. Anak langik panjiak  dui atah, Cuc Khik iek glai saong Kiem lam  kakei karja dom palei juai cuh apuh, ramik hala thu tuk langik panjiak catang. Tuk apui khuah glai, brei samar jak ba gah bol lin, ba radaih saong mac jamraih  piah padam apui, takik khat lahik.  

Kong an TPHCM pasang iek, duah mboh 3 labik ngak mraoh ratak praong di phuong Thông Tây Hội (quận Gò Vấp klak), tram jru ka mraoh praong, lameh, trak. Tapa ngak bruk, dom urang nan taduan, langiu ratak naih ratak aih tikuh, ia saong cur, daok hu pandar  jru 6-Benzylaminopurine tram ratak. Ini lac jru oh brei pandar kaya mbang kuhria meng thun 2022 tal ini hu labaih 1.000 tấn, yaom jien labaih 8 ti dong.

Mentri An ninh negar Mỹ ngak brei cambaic laic salih labik ngak ka manuac sia haduh hatai di adit dahlau. Mentri An ninh negar Mỹ ralo bhap bini payua harak don likau ngak daok veik  daok lac the hijao oh brei tabiak truh Mỹ dalam tuk harak gal ho so daok pasang iek. Ini lac bruk salih karei di karja Tong thong Donald Trump piah urang tame negar njauk tui hukum.

Bruk patuh phao di Israel harei 31/5 di dom labik tapen tathik di Gaza ba tal 14 urang njauk rambuac, dalam tuk nan dom mbang ginum biai tapal di Israel saong Hamas daok gal tavak. Bruk patuh phao di Isarael tame kuan café tapen tathik di Gaza, tuk bhap bini pataom gauk harei puac di Adat ngak kuban di urang Islam. Hu labaih 900 urang Palestine metai dalam dom mbang patuh phao di Israel kuhria meng tuk ginum biai  brei padeih cuh.

Daok labaih 10 harei tra World Cup 2026 peih ngak, karja ban ine Mexico City daok jhul pakhang dom bruk khik caga an ninh saong daong ka tuai damuai  di dom labik pataom ralo manuac takre caoh mbanh. Dalam nan, padang 3 balai di dom labik praong piah taduan harak khan bruk khik caga, daong hukum ka urang, langyah dom bruk khik brei salamat ka bhap bini. Dahlau di nan, ban ini hu brei labaih 56.000 canh sat gam he thong kong nghe glong di dom labik pakacah, dom labik sirah rivang hu rilo manuac./.