Salih ka bruk mbaoh harak Quy hoach taong abih di TPHCM di puac bilan 11 thun 2026 yau bruk ba tabiak, TPHCM kuhria brei ngak katut veik tukvak peih ngak hu khan blaoh di harei 30.10. Tui bruk Quy hoach taong abih di TPHCM vaktu meng thun 2025 -2050, pamong tal 100 thun hadei, TPHCM  ba tabiak bruk ngak do thi praong hu rilo pasak di chau A - Thái Bình Dương. Tal thun 2050, TPHCM kham merat hu tame nyaom 100 ban raya  hu raidiuk siam abih di dunya; tui nan lac pasak kinh te, jien padai, pablei salih, logistics, pato megru, khoa hoc - kong nghe saong salih birau hadah krah hu makna praong dalam bhum.

Tinh Dong Thap daok samar kuhria caga dom bruk ngak ka Raya Baoh kayau Dong Thap mbang I ngan haong kadha “ Dong Thap – Bhum taneh baoh kayau”, peih ngak meng harei 5 tal harei 8/6 anak tal. Jaik tal harei raya, rilo baoh kayau tagok yaom, ba tal po bein chreih chrai. Urak ini, Dong Thap hu taneh pala phun kayau mbang mbang baoh praong  abih dalam negar, hu labaih 135.000 hecta, brei paik baoh 2,5 trieu tan yaok thun. Rilo baoh kayau  brei paik rilo baoh saong pablei tabiak negar langiu di dunya yau: durian, baoh thanh long, pa-ok, panat…

Kapol Chu thap do tinh Vĩnh Long birau jao brei 300 paok pandap ka baoh sang urang kathaot, baoh sang hu raidiuk kan kandah saong urang jaoh jo di xã Song Lộc – labik hu labaih 52%  bhap bini lac urang bangsa Khmer. Tukvak anak tal, Kapol hu jao brei 200 paok pandap ka baoh sang urang kathaot, baoh sang raidiuk kan kandah  lac urang bangsa Khmer di xa Trà Cú. Pacheih  Bilan Ngak pahala, dalam thun ini, dom pakat  Kapol Chu thap do dalam tỉnh Vĩnh Long hu jak ba dom gah, kuhria tui jien abih tih hu jaik 14 ti dong.

Di tinh Ca Mau urak ini hu 23 don vi, doanh nghiep suai bayar jien, tavak jien  blei Bao hiem, kuhria labaih 135 ti dong. Hu don vi tavak sre labaih 10 thun, hu don vi tavak jien tagok tal labaih 42 ti dong.  BHXH tinh Ca Mau pambuak haong dom don vi chuc nang, brei pandar rilo jalan pasang iek, taong phat hanh chinh tal bruk ngak harak ho so brei kaoh tui hukum. Yau nan min, rilo doanh nghiep padeih ngak bruk, yak klak bruk ngak mbang.

Dalam 2 harei meng blaoh, hadei dom mbang hajan praong ngak labaih 200 tân ikan raong di binek Trị An, ban Dong Nai metai abih. Sở Ngak nong saong Alam moi truong  Dong Nai brei mek mau ikan soang mau ia tui bruk ba tabiak, yau nan min oh ka duah mboh. Tapa bruk nan, kayua raong rilo ikan ba tal kurang oxy ngak ikan metai. Anak meta, jabat chuc nang saong bhum palei  daong mikva srong ikan metai tagok ar piah ramik hacih, jeng yau daong mikva ba dom bai long be caik hu labik lagaih.

Meng harei ini 1/6, Malaysia brei ngak tui hukum pakauk uranaih umo ala 16 thun peih tai khoan mang xa hoi. Dom nen tang mang xa hoi hu meng 8 trieu urang pandar tagok di Malaysia brei peih he thong kuhria thun umo saong pacang cakak urang umo ala 16 thun peih tai khoan. Dom doanh nghiep oh ngak njauk meda taong phat 10 trieu ringgit, sumu labaih 2,5 trieu dola My.

Takik abih 46 urang metai saong yaok pluh urang karei njauk rambuac, yaok rituh baoh sang khut tayak dalam mbang  patuh khang di bang  Xan di Dong Bac Myanmar. Tui duah thau camereip, labik rah tabiak bala lac labik khik piah jru patuh  hu pandar  dalam bruk kuac meh mo saong patau. Bang Xan lac sa dalam dom bhum  palei sraw kadau, labik hu rilo kapol nyaom patuh phao lac urang bangsa daok ngak bruk di dom labik bhum taneh praong.     

Yaok ribau urang takre bóng bàn di Nga birau tame pakacah bóng bàn praong kuhria meng dahlau mai ini. Piah duh ka bruk pakacah, mban peih bruk padang 200 kik mban  pakacah saong jak ba 100 urang trọng tài tui iek bruk pakacah. Meyah hu Guinness taduan, bruk ngak tapa ky luc 5.167 urang hu mbaok tame pakacah di Moscow di thun dahlau, hu jeng yai pakacah bóng bàn hu rilo urang abih meng lavik mai.