TPHCM kuhria buh jien tame labaih 9.830 ti dong meng kadung jien karja piah bayar, daong, padang labik daok birau ka urang gaok tavak tame jalan pasei Ben Thanh - Can Gio. Jalan ini atah jaik 54 km, kuhria jaik 154 ha taneh piah padang ngak. Hu 507 baoh sang bhap bini saong 16 kapol nyaom daok dalam danak dak, di 7 phuong, xa, nan lac: Xóm Chiếu, Tân Thuận, Tân Mỹ, Nhà Bè, Bình Khánh, An Thới Đông saong Cần Giờ. Tukvak peih ngak danak dak bayar jien meng quý II tal quý IV thun 2026.

Peih bruk pakacah biak praong tui kadha “ 500 harei melam - Jum ptaom - Njauk hukum - Siam lagaih - Patagok” tui jalan di Thanh uy Dong Nai, Dang uy xa Nha Bich padang Chi bo HTX Nong nghiep Nha Bich. Ini lac bruk ngak cambaic laic ngak tui jalan patagok bruk ngak di gah Dang  di pakat karja di bhum palei. Dang uy xa Nha Bich khan lac tuk halei jeng tui daong ngak hu rilo lagaih abih dalam bruk Dang, piah Chi bo brei mboh bruk ngak, rik tame karja bhum palei ngak brei patagok di jaman birau.

UBND tinh Ca Mau ba tabiak tuvak ka dom don vi brei ngak salah bruk pasang iek jabat ngak bruk daok labaih dahlau harei 5 bilan 6 saong langyah, payua ka pakat angaok pasang iek dahlau harei 25/6 anak tal.Taong abih tinh urak ini hu 1.381 sang danaok, taneh lac labik jabat ngak bruk di karja; dalam nan hu 309 jabat daok labaih hadei dak ramik pagam tame. Dahlau di nan, Akok UBND tinh Ca Mau ndem lac, urang dang akok  dom so, dom gah, karja bhum palei pato jalan ngak bruk saong taduan bruk ngak. 

Harei ini saong harei paguh 1 saong harei 2 bilan 6, labaih 151.000 anek saih di TPHCM tame pakacah tame tal bac 10, piah palih ruah tabiak 118.000 anek saih tame tal bac karja. Anek saih  hu mbaok tame pakacah janih mon Ngu van, Toan saong Tieng Anh. Dom adei tut angan tame tal bac chuyen atau tich hop brei pakacah mon chuyen atau mon tich hop.Thun ini, dalam ban raya  hu 242 labik pakacah, dalam nan hu 226 labik pakacah bhian saong 16 labik pakacah chuyen.

 Tui Pasak kuhria mboh dahlau Khi tuong Thuy van Pakat negar, Bhum Nam Bo soang tinh Lam Dong lac hu hajan mbiah tal hajan praong, hu labaik hajan biak khang ia meng 60 tal 120 mm, hu labik yam tapa 250mm. Anak langik  sraw kadau, Mban tacei ba jalan Pacang caga bhap bini pakat negar iew dom bhum palei, njauk ndem tal dom labik  mbuan rah tabiak ia ribuk sua saong glut jaleih taneh yau tinh Lam Dong, brei pasang iek dom kabik mbuan glut jaleih, panduan ba bhap bini rahra nao labik salamat.

Nhat Ban saong Han Quoc pambuak veik pasram duah daong urang gaok bala haong gauk di bilan 6 ini. Ini lac  bruk hu makna praong, brei mboh bruk pambuak siam di dua taneh ia hadei rilo thun kandah gah quoc phong. Bruk  pambuak gah quoc phong di dua taneh ia caik suai kavik hadei gaok kan kandah di bilan 12 thun 2018 ngak sraw kadau di dau gah saong ba tal padeih rilo bruk quoc phong, dalam nan hu bruk pasram daong bruk pala.

Sa janih jru ruak ung thu phoi di hang Akeso - Trung Quốc, angan Iivonescimab, birau mboh bruk kein lagaih tapa ngak iek. Tapa nan mboh jeu ini jru ruak ka urang ruak ung thu phoi  te bao sit kakah kan piah diuk hu suai jang 15% dut saong pacang caga, tui nan trun labaih 1 dalam 3  tukvak ba tal metai. Jru hu parabha di rilo labik tal 5 ti dola My.

Dalam bruk kham pacang caga bruk njom mbak di virus Ebola, Tong Yam ndoc Gah Y te Dunya (WHO) iew bhap bini di negar Cong hoa dan chu Conggo gaok kan kandah kayua jit ruak Ebola duah taong ruak saong dar urang metai kayau virus Ebola hu siam hacih. Dom bruk veik rup di dom urang metai kayua Ebola, meda ngak ka virus njom mbak tabiak./.