Tui Pathau khan kinh te darak pasar yaok thun di Bhum taneran kraong Cuu Long, 4 bilan akaok thun ini, Bhum taneran kraong Cuu Long hu labaih 3.900 gah ngak mbang pablei salih hu mbaok tame darak pasar, lac bhum hu bruk patagok bruk ngak mbang pablei salih glaong abih dalam negar. Yaom lac, kinh te bhum Taneran kraong Cuu Long jeng daok rilo kan kandah daok rah tabiak. Tui nan, bhum daok kurang urang ngak bruk siam glaong, bruk ngak hu biar saong bruk patrun tanut patak pataom lac dom paga pacang hu makna ngak kan kandah ka quy mo gah ngak mbang pablei salih.

TPHCM daok ramik samar, padang ngak veik jaik 6.000 khu pho, palei, labik daok di bhap bini dalam ban raya tui hukum birau di Rajaei. Dalam nan, UBND TPHCM caong khin, Kong an Ban raya brei pasang iek dom baoh sang daok meng dahlau mai, daok tam di dom khu pho, palei, labik daok di bhap bini kuhria tal harei 26 bilan 5. Hadei tuk pagam tame  Binh Duong haong Ba Ria -Vung Tau, TPHCM urak ini hu jaik 6.000 labik khu pho, palei, labik daok di bhap bini di 168 phuong, xa, dac khu.

Mentri Y te daok padang du thao adat ka sarak daong rahra saong daong jien huu tri xa hoi, hu ba tame ngak meng 1/7 anak tal. Tui nan bruk ba tabiak panuac likau pasiam tanut chuan daong rahra, tanut daong huu tri xa hoi meng 500.000 dong tagok 540.000 dong (tagok 8%). Gam haong nan pabak adat ka sarak rivang tangi, alin kaya meng jien mbaok saong kaya ndap nda, jit ruak, bala atau dom bruk kan kandah karei.

Tinh Ca Mau hu labaih 185.000 ha taneh ngak padai, kuhria jien labaih 1,8 trieu tan. Bruk ngak brei karei di bhum palei lac bruk ngak padai - hadang meblah  metah taneh pala drak, sumu labaih 90.000 ha. Yau nan min,  taneh ngak tabiak padai brah hu pambuak bruk tok labaih 16,7%. Yau nan ye, Cà Mau daok kham merat daong talaih dom bruk kan kandah dalam pambuak bom gah saong ha tang jeng yau jalan ngak salih meng “ pala drak” tapa “ jalan ngak darak pasar” piah ngak brei patagok gah padai brah.

Kapul Urang ngak nong xa thong Nhat, ban raya Dong Nai pambuak haong Kongti TNHH Đức Bảy Sơn La – di gah Meraong negar peih 2 bruk patabiak khak drak di phun padai di taneh 2,7ha. Tapa bruk ini piah taong yaom siam lagaih di khak drak sinh hoc dalam luac jalan pala drak, pamaong tal pasiam taneh, patakik jien buh tabiak ngak, paglaong bruk ngak hu saong bruk siam glaong di asar padai. Bruk ini hu peih ngak piah patagok, pandar ilamo kong nghe lek taka so dalam bruk di kapul, padang jeng kenh pambuak samar di kapul haong urang dalam kapul.

Ai Cap ba tame pandar dom camereip dom radaih pui peih ta-eng di jalan pasei  di ban ine Cairo, pambuak haong Cairo gam ban ine karja birau, atah di pasak labaih 45km gah Pur. Danak dak ini pamong tal bruk pajeng ba labaih 25 trieu bhap bini Ai Cap daok di Cairo. Dom jalan radaih ndien birau caong khin ngak brei abih takik tukvak nao mai, takik ndik radaih drei yaok urang saong patak pataom xang menyek.

Radaih oto pambuak internet daok dak harei dak hu pandar rilo, yau nan min dom radaih oto ini meda hu mek tame rilo khau tin di angaok smart phone hu pambuak haong radaih saong gaok mai lac cuak gilac sap yava dom mbang ndom meyai angaok radaih. Jabat Pathau khan Australia kakei caga ka grauk urang brei tani tanat haong dom mbang ndom meyai di angaok radaih oto hu pambuak haong internet saong oh brei ndom meyai dom kadha oh njauk ndom kayua dom asal kadha ini meda cuak gilac sap ndom yaom lac radaih daok pambuak atau oh.

Thụy Sĩ peih bruk duah thau hatai sahaneng di bhap bini ka bruk khik bhap bini ala 10 trieu urang, sa bruk ngak kamelah gauak dalam rajaei saong gah kinh te. Meyah  ba tabiak bruk yaok kuhria bhap bini, taneh ia ini lahik  labaih 300.000 urang ngak di thun 2050. Kadha nan ngak ndoa nong trak jien padai di kadung jien padeih hưu saong gah BHYT, kayua rillo urang taha umo njauk iek glang prein yaw tani tanat./.