Mentri Ngak nong saong Alam langik pandar 24 tinh, ban srap gap caga ka bruk kurang halau ia dalam bilan thu thun ini. Dalam 24 tinh hu dom tinh Dong Nam Bo lac Ban raya Dong Nai, Tay Ninh saong Ban raya Ho Chi Minh. Mentri pandar dom bhum palei jeng brei pandar danak dak pandar ia njauk lagaih haong jalan kuhria tathuak ia di danao kavei padang, gam haong nan pasiam, pakajap danak dak piah srap gap mek ia dalam kein lagaih halau ia salih. Ngan haong bruk ngak nong, brei ngak dom jalan langyah tuh patakik ia, pandar rilo abih halau ia meng kraong ribaong sit, danao saong dom kavei padang ia ka kraong ribaong.

TPHCM kuhria peih praong bruk palih ruah anek saih saong pamong tal bruk klak pakacah tame tal bac 10 meng thun hadei. Piah ngak hu bruk ini ye Ban raya pasamar padrah ngak bruk dalam 150 harei melam piah ngak hu 1.000 duk bilik bac, ba tame bac dalam thun 2026-2027 saong pasang iek labaih 100 danak dak piah caga hu ginup duk bilik bac, pabak hu 300 duk bilik bac kuhria tui 10.000 bhap bini. Bruk ini hu kuhria piah daong ka anek saih palih ruah bruk bac da-a hu lagaih.

Ban raya  Can Tho jhul samar tukvak pasang duah, padang jalan langyah, plaih palai pajua drap ar karja saong paglaong siam lagaih pandar dalam tukvak anak tal. Bi thu Ban uy Can Tho Lê Quang Tùng pandar dom jabat brei pasang duah, neh rabha drap ar; padang jalan langyah ngan haong janih drap ar saong kein lagaih di nyu. Gam haong nan peih dom kapul pasang iek tapak, pandar drap ar daok labaih brei pagam haong hatai caong njauk lagaih, plaih njauk kateik geik bruk pandar jamraik.

Di bhum gah Timur TPHCM urak ini hu rilo ma taka so pala kaya nong pablei tabiak negar langiu, dalam nan  hu patei lac kaya nong hu ralo abih. Kuhria dom xã Kim Long, Nghĩa Thành, Xuyên Mộc, phường Tam Long…hu taneh praong labaih 600ha. Tukvak anak tal, bhum taneh ini kuhria peih praong veik taneh pala, kaya pablei tabiak negar langiu, tagok taneh pala mek hu tanut chuan VietGAP saong GlobalGAP, ba tame pandar ung dung nong nghiep so saong tu dong hoa dalam bruk ngak tabiak kaya nong.

# So Ngak nong saong Alam langik tinh Dong Thap peih ngak iek dahlau bruk pala durian pasang iek kim loai trak cadimi di 1.000 m2 taneh bein durian di sa baoh sang di xa Ngũ Hiệp lac bhum pala durian praong abih di tinh. Meyah urang ngak nong pandar njauk jalan ngak ye dalam 6 bilan brei langyah hu bruknjom cadimi dalam taneh ngak kan kandah tal durian, pa-aok atau panat.

Thu tuong An Do Narendra Modi daok hu mbang mai rivang dui atah 6 hare anak tal  Taneh ia  Ả rập thống nhất saong Hà Lan, Thụy Điển, Na Uy saong Italia, dalam tuk mesruh metak Trung Đông, kurang menyek saong bruk chinh tri dunya daok ralo. Gah langyah di An Do mboh lac bruk nao rivang ma-in mbang ini brei mboh mbuan jang tui sarak ginum biai di New Delhi, tuk taneh ia ini daok duah jalan pambuak bruk ngak mbang kinh te saong bruk praong dalam tuk Mỹ dak harei dak kan thau dahlau.
Pasak Kuhria pathau khan Langik negar My pathau khan bruk langik El Nino mbuan rah tabiak saong meda tagok tal tanut “biak khang” di nyu dalam puac thun ini, ngak huac kanda ka bruk mbuan rah tabiak langik oh lagaih dalam dunya. El Nino lac bruk di langik bhian rah tabiak tui tukvak di nyu meng 2 tal 7 thun, hu kuhria di nhiet ndo mbaok ia tasik. Bruk ini ngak mbuan ba tal bruk pandiak bhang, hajan praong saong rilo bruk langik oh lagaih karei.

Sa jalan lubang praong biak kandauk saong biak hadar dalam hatai birau duah mboh dalam tuk kuac mek kaya kan meng kan di Jerusalem. Jalan lubang nao tapa patau atah labaih 50 met. Jalan tame labik ala taneh tui takai nyal tal pambang kali patau. Dalam nan, hu jalan lubang rilo tal haluk meng yaok rituh thun, atau ribau thun./.