Meng harei ini (01/7), rilo hukum saong adat bahrau pambuak tapak tal bruk ngak saong rai diuk yaok harei di rahra brei hu ba tame ngak yau ye: tagok jien bilan tal 2,53 trieu dong/bilan; Taong bhat tal 50 trieu dong ka bruk klah rabha khau tin oh njauk; Dui katut tukvak pabak Harak adat padang ngak; Urang ngak bruk kamei hu brei padeih padei tuk metian menek 7 bilan; Yaok bilan urang daok guk hu taong phone video mai sang 1 mbang oh tapa 10 minit… Hukum Jien je ta-eng menuac urang jeng hu peih pandar, brei thau ka yaom jien raong ba manuac sia dalam baoh sang urang kak jien je lac 15,5 trieu dong/bilan, tanut patrun brei ka yaok urang patui meng 6,2 trieu dong/bilan… (TTXVN)

Di Nyaom roya lambaok vakil Kapul nyaom Dam dara Viet Nam tinh Ca Mau mbang ka I, tukvak thun 2026 – 2029 brei mboh ka bruk ngak tukvak bahrau lac: “Gul Pataom – Caong takre – Halan tian”. Tukvak tapa rilo bruk salih taka so hu peih ngak siam lagaih yau ye khik tani tanat jaik 70 kapul ngak kong nghe taka so bhap bini, danak dak “Binh dan hoc vu taka so”, daong rahra pandar jit vu karja online. Dalam tukvak ngak bruk bahrau, ong Hồ Thanh Thuỷ - Phaok Bi thu Tinh uy Ca Mau pandar Kapul Nyaom Dam dara Viet Nam tinh patui veik padang kapul urang jakar Kapul biak lac dom urang dang akaok thau pan bruk, hu angan je, ilamo saong hatai salih bahrau.

Hadei 105 harei ngak bruk di taneh Campuchia, Kapul pasang duah, pataom atau talang bol lin (K72) daok dalam Bo pato tacei Bol lin ban raya Dong Nai hu duah saong ba hu 62 atau talang bol lin gilac mai Negar. Piah patui veik bruk siam mekre ini, Bo Pato tacei Bol lin ban raya saong dom urang srap gap siam rilo gah piah pasang duah, pataom atau talang bol lin dalam ban raya tukvak anak tal ngan haong asal kadha “daok khau tin, daok pasang duah”.

Dalam thun ini tinh Dong Thap brei peih padang 235 baoh sang Gul pataom, piah daong samu ka dom baoh sang kathaot, jaik kathaot hu rai diuk kan kandah ka sang daok di dalam tinh. Taong abih jien buh tabiak ngak danak dak mbang ini hu labaih 14 ty dong, ngan haong tanut daong gam gam 60 trieu dong sa baoh sang. Piah phun jien mai tal njauk urang saong grap tanat tukvak ngak hu ba tabiak, Uy mban Mat tran Negar Viet Nam tinh pandar bruk daong brei ngak tui njauk dom asal kadha, njauk urang, samu gauk, tantu cambaih laih.

 Ngan haong jalan ngak 100% rahra hu pasang iek prein yava oh mek jien online dalam thun ini, tinh vinh Long daok jak ba taong abih majam y te di labik hu mbaok tame ngak bruk ini. Ngan haong rahra hu labaih 4,2 trieu urang, bhum palei jeng daok gaok biak rilo cuang kandah, tavak tave ka urang ngak, ndap nda kaya ngak saong jien padai. Kayua nan, taphia kadung jien di tinh, bruk jak ba jien rik daong dalam rahra saong bruk daong meng Trung uong brei daong Vinh Long salah blaoh jalan sangka prein yava dalam taong abih rahra.

 Truyen thong karja Trieu Tien ba khau tin, sa mbang parang iek thaik binguk pakat negar daok rah tabiak di Pasak parang iek di Binh Nhuong, piah pok meyaom dom bruk jak jeng patagok di kaoh pulao Wihwa ala bruk pato tacei di urang dang akaok Kim Jong Un. Labik ini bhian rah tabiak kanjhah trak kayua bala meng langik tasik yau ia sua, min urak ini daok hu dom bruk salih drei khang catang meng dom danak dak patagok praong prang. Labik parang hu caong takre brei ngak danei lagaih ka bruk kham merat di rajaei dalam bruk pasiam rai diuk rahra di dom bhum atah bayah.

Tui bruk Kuhria hu di dom baoh sang rahra thun 2025 kayua Cuc Kuhria Singapore pathau khan brei mboh, rahra negar ini hu ilamo bac megru glaong jang, jien mek tame tagok saong bruk hu sang daok glaong jang. Min, bruk khin likei khin kamei suai saong oh khin likei khin kamei di kapul urang dam dara daok patui veik tagok. Langiu di nan, dom baoh sang dalam nan hu diuk pasang sa-ai saong anek bik jeng lac bruk daok rai rah tabiak rilo abih di Singapore, meblah 47,6% dalam taong abih baoh sang, thun 2020 ty trong ini lac là 50,4%.

Lien hop quoc brei thau mbang tamuh jit ruak Ebola meda ngak ka chau Phi khat lahik tal 3,6 ty dola saong lahik yaok rituh ribau bruk ngak, mbuan rah tabiak bruk srau kadau patagok. Daok di CHDC Congo, jit ruak Ebola hu pambak ka 1.307 urang saong ngak ka 377 urang metai. Tui kadha jhak abih, jit ruak pambak tapa dom negar jaik taphia, njauk haong tukvak yaom xang menyek tagok glaong kayua srau kadau di Iran.