TPHCM alin kaya pandap ka labaih 142.000 urang ngak daong taneh ia saong gauk gar di urang nan di bingun pahadar 79 thun harei Thuong binh-Liet si. Hu 7 yaom jien  daong ka urang dalam sarak karja memg 800.000 đồng tal 3 trieu dong sa urang. Ban raya  jeng buh tabiak 30 trieu dong  piah rivang, alin 30 paok pandap ka thuong binh saong gauk ar di liet si daok ngak bruk gah Bol lin Bien phong TPHCM saong Kong an TPHCM, min oh hu taduan mbang tui sarak karja. Bingun ini, 40 kapul urang jakar TPHCM mai rivang 172 baoh sang dalam sarak karja di dom phuong, xa saong dac khu.

Xã Bù Đăng, Ban Dong Nai (huyen Bu Dang, tinh Binh Phuoc klak) birau brei buh tabiak labaih 1,2 ti dong piah blei tapuk oh mek jien ka anek saih. Njauk hatai, taong abih tapuk hu brei tal tangin anek saih dahlau tu tame thun bac birau. Dahlau di nan, phuong Dong Xoai, TP Dong Nai brei pabah 5.466 mejam tapuk bac oh mek jien ka anek saih meng tal 1 tal tal bac 10 dalam phuong.

Urang ngak praong di Ban Can Tho hu mbang nao rivang dom labik rivang ma-in di ban ini. Yaok labik hu nao tal, kapol hu thau bruk ngak, dom bruk jarah rivang, kein lagaih patagok saong pambuak bruk pachreih tuai damuai piah rik tame ba jalan jhul pakhang bruk ngak yulit ban raya. Meng kaok thun mbiah tal ini, ban raya kuhria taduan raok labaih 7 trieu 500 mbang tuai damuai  mai rivang ma-in. Jien mek tame labaih 6.600 ti dong. Anak tal, ban ini padang ngak danak dak patagok bruk ngak yulit Can Tho dalam tuk birau peih ngak suai lavik, patagok, hu angan je.

Tong kong ty Mblang kapal haok Viet Nam kham merat ngak salah taong abih bruk padang ngak Mblang kapal ahaok Long Thanh suai abih dalam bilan 9 thun 2026 piah ba tame peih ngak iek dahlau ba mblang kapal haok tame ngak bruk meng harei 1/12/2026. Dalam tuk camereip, meng tuk ba tame pandar piah mek jien tal abih harei par bilan Đông thun 2026, meng harei 1/12/2026 tal harei 27/3/2027, dom labik kapal ahaok pachreih ba tame ngak bruk pajeng ba tuai dunya, dalam nan hu pajeng kaya drap ar, di Mblang kapal ahaok  Long Thành.

Vĩnh Long hu 550 tapen kraong dalam negar, ralo kaya ndap nda abih di Bhum taneran kraong Cuu Long. Piah khik brei hu salamat, Tapen ia gilai tame tabiak dalam tinh daok pakhang bruk pasang iek catang gilai kapal, bruk pabak ao phao, mac jamraih daong, harak ba-ar  ngak bruk tui njauk hukum di urang peih gilai saong tuai damuai. Tui nan jhul pakhang  bruk pathau khan saong pasram bruk ngak. Meng akaok thun tal ini, labaih 2.500 mbang po tapen kapal gilai saong labaih 4.440 mbamg kapal gilai hu ngak tui hukum.

Australia mboh lac dom nen tang xa hoi daok kurang saong oh hu rilo bruk kham pacang caga  bruk kateik gheih  saong pambak tame uranaih ba tal rilo uranaih saong dom uranaih di negar ini mbuan gaok rilo bala. Dalam 6 bilan puac thun 2025, Uy vien An Ninh mang Australia taduan hu labaih 2.000 harak don meriak  ka dom bruk mek jien tapa bruk ndik daok, dalam nan likei umo meng 18 thun tal 24 thun lac kapol nyaom nan.

Hu veik 10 urang likei njauk rambuac dalam mbang pakacah nduac haong limo glai mbang ka 8 saong lac mbang puac abih di roya hội San Fermín danei angan di Tây Ban Nha. Yau nan, dalam harei pakacah hu 57 urang njauk rambuac. Roya San Fermín bo bhap bini pak ini iew lac “ limo pagui” nan  roya hu peih ngak yaok thun di bilan 7, pachreih hu yaok ribau hu mbaok tame. Kadha siam gheih di roya ini lac 8 mbang paacah nduac gam haong limo glai di jalan raya. Kuhria tal thun 1911 mbiah tal ini, hu 16  urang metai dalam dom mbang pakacah nduac haong limo glai.

Njauk ndem tal Italia, rilo urang sahaneng tal pizza, mi Ý atau dom ahar phomai Parmigiano Reggiano. Yau nan min, dalam bilan hè thun ini, langik pandiak labaih 40 do C ba tal janih pho mai  labaih 800 thun - dang anak ralo bruk kan kandah. Di bhum Emilia-Romagna, langik pandiak tapa 40do C, taphon limo  mbang takik jang, ndik rilo jang saong brei mek ia tasau takik jang 10%. Oh lac taphon limo gaok kan kandah bo dom gilang khik piah pho mai  dalam tukvak dui atah  meng 1 tal 3 thun jeng brei khik piah la-ar piah ngak abih ralo ndien 30%.