Bộ Tư lệnh TP.HCM pambuak haong Kong an TPHCM brei ngak veik thaik binguk liet si oh mek jien ka dom baoh sang dalam sarak karja. Ngan haong bruk daong di 20 ayut lac urang di Nyaom ngak veik Thaik binguk Teamlee, danak dak taduan dom thaik binguk di liet si papeih, par bleit, lahik atau taik tahak kayua suai lavik thun bilan piah ngak veik, ba tame angka so saong khik iek suai lavik. Bruk nan rik tame  khik veik dom bruk gheih jak gireih di yaok baoh sang, khik ramik bruk patui ngak cach mang saong diukrai tui jalan menyum ia hadar tal halau ia di bangsa drei.

 Tỉnh An Giang birau tabiak Blah web sinh thai salih pandar taka so saong Blah web online xa Tân Hiệp. Bruk tabiak mbaok saong ba tame pandar dua nen tang taka so ini hu taong yaom yau bruk hu makna biak praong. Ini oh lac dua nen tang pandar kong nghe  mbuan mbiah, bo daok lac bruk daong patagok kinh te - xa hoi, rik tame ngak hu siam bruk pandar karja so, kinh te so saong xa hoi so di bhum palei.

Yaok pluh ha njam patam,padai, phun kayau mbang baoh di dom xã Long Hưng, Long Định, Tân Phước 3 saong dom labik jaik taphia  tinh Dong Thap kanyik hala, mbuan ba tal metai abih. Karja saong gah chuc nang daok duah thau, ngak brei cambaic laic ba tal bruk nan. Urak ini, jaik abih dom ribaong kraong di labik ini hu brong ba ia mai meng dom labik, doanh nghiep ngak tabiak, pablei salih saong Khu kong nghiep Long Giang. Yau nan ye, bhap bini hu mboh halau ia di ribaong, kraong njom nerak.

Kong an TPHCM ba tabiak langyah veik 12 urang pambuak tal 2 bruk cá độ caoh mbanh praong. Kuhria tal tuk ini, Jabat Cảnh sát pasang iek ba tabiak langyah  abih tih 97 urang piah pasang iek duis “ peih bruk ma-in mbia” saong “ ma-in mbia”. Tapa pasang iek meng bilan 10 thun 2025 mbiah tal ini duah mboh, kuhria abih tih jien di dom urang hu labaih 3.500 ti dong. Ini lac jalan ca ndo caoh mbanh biak praong. Urak ini, Jabat Canh sat pasang iek  hu iew pataom 150 urang pambuak tal piah ngak brei cambaic laic.

Hajan praong dui tah dalam harei 13/7, gam hangin khang ba tal 75 baoh sang di xã Khánh Bình, Cà Mau glut jaleih saong par tabung, 4 urang njauk rambuac. Langiu di nan, rilo taneh pala phun, njam patam gam drap ar di bhap bini khut abih. Tui kuhria mboh dahlau, harei ini saong harei paguh, tinh Ca Mau hu hangin khang. CaMau saong An Giang  hu hangin Tây Nam, yau nan ye bhian hu hajan meng subuh page.

Hajan ribuk saong ia sua rah tabiak kan thau dahlau di dom taneh ia chau A. Trung Quoc samar panduan ba labaih 260.000 urang piah caga ribuk Bavi. Tui jabat kuhria iek langik tathik pak ini, hajan di Lieu Ninh dalam harei hu labaih 33 mm, dalam tuk nan ia hajan  praong  abih tagok tal 207 mm. Bangladesh jeng patagok tanut kakei gah y te glong abih di 11 bhum palei gaok ia sua. Urak ini urang metai  tagok tal 54 urang.

Jaik abih kaya mai meng An Do sang Anh meda oh mek jien je blei tame, tuk Hiep dinh Thuong mai Tự do di Anh saong An Do hu ba tame ngak tui. Dom janih kaya oh lahik jien je dalam nan hu gah jhik, menyim, kalik juah, kaya ky thuat, mac jamraih saong jru tavao. An Do sanya jien je blei alak whisky di Anh meng 150% trun daok 40%, gam haong dom janih radaih oto saong  rilo kaya karei. Bruk ini yau brei mboh dahlau, bruk meriak gauk di darak negar Anh kan kandah jang.   

Dom urang ilamo kinh te kakei bruk El Nino meng thun 2026 -2027 meda patagok jeng mbang “El Nino khang”, ngak klaik klaoh bruk ngak nong di dunya saong jhul pakhang yaom padai brah tagok glong. Tui nan, yaom dom janih kaya nong  di dunya tagok 15,8% saong yaom kaya mbang di dom taneh ia pandar jien chau Au tagok 1,3%./.