Uan raok Harei Raya Eidil Adha thun ini, UV Mentri Chinh tri, Bi thu Trung uong Dang, Akaok UB Trung uong MTTQ Viet Nam Bùi Thị Minh Hoài payua harak thư  ayuh tal dom Hakim, Na-ep, Tuol saong Bhap bini Islam Viet Nam. Harak thư  hu panuac: Mat tran TQVN meyaom, taong yaom glong dom bruk naih gheih rik daong di bhap bini Islam Viet Nam tame bruk praong di taneh ia dalam tukvak tapa…Ayuh taong abih  bhap bini Islam  dalam negar  uan raok Raya Eidil Adha saong Thun birau rilo bui sambai, haniam siam saong jak jeng siam mekre.

Harei ini, Kapol urang jakar Mban Tuyen giao saong Dan van Thanh uy TPHCM kayau ong Dương Anh Đức, Ủy viên Ban Thường vụ, Akok Ban Tuyên giáo saong Dân vận Thành ủy TP.HCM gam haong dom sang megik  Muslimin, Musulmane saong sang megik Al - Rahim.

Tinh uy Dong Thap birau ba tabiak harak iew brei ngak samar Sarak Tamat  ka 34 di Mentri Chinh tri, Sarak Chỉ thị taka so 21 di Thu tuong Rajaei ka bruk ramik palei, kapol nyaom bhap bini saong  parabha, pandar, che ndo, sarak  ka urang ngak bruk  oh chuyen trach pakat xã, palei pala, kapol nyaom dalam tỉnh. Dalam nan, hu jalan ngak brei ginup urang ngak bruk oh chuyen trach  di dom palei, kapol nyaom hadei ramik saong sarak daong tui hukum ba tabiak; tui nan, langyah tui sarak ka urang ngak bruk oh chuyen trach  di palei pala, kapol nyaom… dahlau harei 5 bilan 6 anak tal.

Gah ngak lan am my nghe tinh Vĩnh Long daok kurang  biak trak gluh lan, ngak kan kandah tal bruk ngak tabiak ndap lan saong pablei tabiak negar langiu di rilo doanh nghiep. Meng thaik thaok ralo janih, pandap  lan Vĩnh  Long hu pablei tabiak rilo darak pasar  kan di dunya saong yaok thun hu jaik 50 trieu ndap lan, jien mek tame kuhria rah tapa labaih 700 ti dong. “Lan bhong Vĩnh Long”  dak harei dak hu ngan siamn gheih oh labik halei hu, rik tame padang labik dang ka gah thu cong my nghe di bhum palei ini angaok darak pasar dunya.

Mentri Tư lệnh Bhum  4 Hải quân birau ba bol lin tabiak ngak bruk padang dang sang daok daong baoh sang urang dalam sarak karja di tinh Khánh Hòa. Hadei tuk tabiak ngak bruk, 4 kapol ngak bruk di xã Bac Ai saong xã Bac Ai Tay, tỉnh Khánh Hòa, daong padang ngak 4 baoh sang ka dom baoh sang dalam sarak karja lac anek pajeng di urang hu daong ngak bruk cach mang dahlau diah njom jru mek kalik kruac. Dom kapol nyaom kham merat ngak siam dom danak dak njauk tulkvak , siam kajap, jao ka dom baoh sang urang nan dahlau harei  15/7 anak tal.

Cục Pacang caga ruak, Mentri Y te birau payua  harak Sở  Y te dom tinh, ban ka bruk kuhria caga, khik prein yawa ka bhap bini, urang ngak bruk kayua langik pandiak. Cuc Pacang caga ruak kakei bhap bini brei takik tabiak gah langiu tuk langik panjiak , njauk caik hatai meng mon 10 tuk tal 16 tuk. Dom urang daok dalam duk bilik dieu hoa biar oh tabiak gah langiu; brei ngui cuh khan ao sambo mau hadah, mbon thu ia hauk; Mbang rilo janih nyam patam saong baoh kayau; menyum ia takik meng 1,5 – 2 lít sa harei…

Tong thu ky LHQ Antonio Guterres kakei dahlau, hu jaik 800 trieu urang di dunya daok dalam kuhrang biak trak dom ralo janih dalam raidiuk, oh lac dom bruk daong patagok dunya daok rah tabiak. Tong thu ky LHQ iew dom rajaei  brei kham merat ngak bruk, salih siam bruk pato pakai saong iek glang prein yawa siam, daong patagok bhum palei pala khang kajap saong peih praong dom he thong daong ka taong abih bhap bini.

Tong thong My Donald Trump brei mboh bruk pasang iek rup pabhap daok tamo, tapa nan ngak brei abih dom bruk sahaneng oh njauk di bhap bini ka prein yawa tukvak tapa. Tong thong Trump khan lac brei ngak salah buk dut iek prein yawa  hadei 6 bilan sa mbang, min oh khan brei thau ka bruk karei. Birau ini, dom thaot binguk brei mboh di takoi tagok baoh bhong, meta takai barah saong tangin bram njuk di ong Trump brei mboh prein yawa di ong umo thun 80 di bilan 6 anak tal.

Dalam tuk jit ruak Ebola tamuh di bhum taneh Trunh Phi daok rah tabiak sraw kadau, rilo taneh ia daok khik catang labik taphia negar saong ngak rilo jalan y te doang samar, njauk ndem tal hadei tuk Gah Y te Dunya (WHO) kakei dahlau ka bruk njom pambak praong di  jit ruak ini “ biak glong”. Rilo taneh ia chau Au saong chau A jeng brei pacang caga catang haong jit ruak Ebola. Anh, Pháp saong Đức tui iek tuai damuai meng Trung Phi…