Ban raya Ho Chi Minh brei alin 1 trieu dong yaok baoh sang mbang tui sarak, bruk daong xa hoi, baoh sang kathaot, jaik kathaot,…bingun pahadar 50 thun harei Ban Sai Gon – Gia Ding hu hadah mbaok meta mek angan Chu tich Ho Chi Minh (2/7/1976 – 2/7/2026). Taphia nan, Ban raya Ho Chi Minh jeng brei salah blaoh saong ba tame pandar 70 danak dak hu 1.200 aduk bilik bac. Peih danak dak praong. Langiu di nan, ban raya jeng brei peih Adat pok bingu tagok paling Chu tich Ho Chi Minh…

Di var aom gaok urang buh phieu di mbang nyaom biai ka sa, Quoc hoi mbang ka XVI di tinh An Giang, Phaok Po Negar Võ Thị Ánh Xuân pandar tinh An Giang patui veik jhul khang bruk salih kinh te, paglaong siam lagaih ngak nong, patagok ngak kong saong jitvu tui jalan karo kajap. Gam haong nan pandar tinh An Giang sangka patagok ha tang jalan mbak, pandar siam lagaih drap ar, pacang khik alam langik; sangka raidiuk rahra labik tapen negar.

Mentri Pato Megru bahrau ba tabiak bruk kuhria hu ka anek saih tut angan kacah tamat THPT thun 2026 tui yaok mon kacah. Tui nan mon kacah hu rilo anek saih tut angan rilo meng lac Sajarah ngan haong 750 ribau adei tut angan, tagok rilo dut haong thun dahlau, mon Dia ly, Sah bahsa negar langiu saong Sinh hoc hu taduan bruk patrun. Urak ini dom sang bac THPT daok pasang duah gilac khau tin tut angan di anek saih saong pasang iek dil samu pasiam meyah hu bruk ngak suan. Mbang kacah tamat Trung hoc pho thong thun 2026 brei rah tabiak meng 10-12/6 anak tal.

 Pambuak tal bruk “Cang pasang iek durian pablei tabiak, container kataok sir jalan vil mblang radaih Dầu Giây” ngak gar jalan mbak rilo harei saong mbuan rah tabiak bruk oh salamat jalan mbak, Akaok UB Bhap bini Ban raya Dong Nai pato tacei dom so, dom gah, bhum palei samar drah pasiam. Pandar ngak cambaih laih makna ngak gar jalan di labik tapen radaih Dầu Giây, hu jalan langyah dil samu, paatakik gar jalan, khik kajap salamat ka urang saong radaih nduac angaok jalan.

Pasak Y te Quan dan y Con Dao, Ban raya Ho Chi Minh bahrau peih ngak ilamo ky thuat nduac baoh than nhan tao ka 3 urang ruak suy than man tinh akaok meti, ngan haong bruk daong salih ilamo meng Sang iek ruak Thong Nhat. Ini lac jalan nao hu makna, daong urang ruak suy than di Con Dao oh daok nao tame taneh riya piah halang darah yaok tukvak saong daong patakik jien buh tabiak.

Bangkok jaik jeng ban raya pandiak abih Dong Nam A di thun 2050, ngan haong nhiet do hu kuhria pathau khan hu tagok labaih 38 do C kayua langik salih karei saong bruk langik salih di ban medin dak harei dak tagok. Dut haong dom ban raya praong karei dalam khoi ASEAN, Bangkok hu kuhria breoi hu nhiet do glaong abih di thun 2050, patui veik lac Ban raya Ho Chi Minh di Viet Nam ngan haong 37,7 do C.

 Patui veik dom kham merat daong samar chip rahra Gaza njauk kan kandah kayua bruk mesuh metak, harei ini, Kapul Ia bulan dalah vang bhong meraih di Ai Cap hu pajeng veik lo ndap nda kaya daong bahrau dalam nan hu labaih 3.700 tan ndap nda kaya, jru cavao, xang menyek…, tame Palestin. Ai Cap lac negar ngak bruk hu makna dalam bruk kham merat daong ngak pahla pakat dunya ka rahra Gaza dalam luac 2 thun mesuh metak bahrau blaoh.

Hang radaih ndien Tesla bahrau pataom mek labaih 200 ribau radaih di My kayua bruk kanjah hu pambuak tal bruk maong mboh thaik binguk meng camera kadun, ngak patrun meta maong di urang pandar saong ngak tagok bruk mbuan rah tabiak bruk ginuh radaih. Bruk ini rah tabiak hadei tuk Jabat Salamat jalan mbak peih samar negar My bahrau salah blaoh sa mbang pasang duah karei taong tame labaih 2,6 trieu radaih Tesla hu pambuak tal bruk peih nduac radaih meng atah.