Ban raya Ho Chi Minh bahrau ba tabiak Sang taom mbaok bhap bini ka urang praong thun di phuong Bình Phú (Ban raya Ho Chi Minh). Sang taom mbaok bhap bini brei ka urang praong thun umo hu srap gap caga kaya sangka prein yava, kaya pahat padhih di langiu langik, tivi, ginraong tapuk gam haong ndap nda kaya duh bruk nyaom pataom. Ini lac bruk ngak iek dahlau di ban raya piah ngak jeng labik nyaom pataom ka ilamo, seni nghe thuat, pahat padhih piah urang praong thun umo pambuak ndom meyai haong gauk, pẩm saong ba drei tame ngak bruk bhap bini.

Yaom lac ramik kuhria brei mboh ka labik Đức Hòa - Hậu Nghĩa brei ngak jeng pasak daong prein bahrau saong lac labik caik ka Pasak karja – chinh tri di tinh dalam harei hadei, Tay Ninh brei thau lac oh ka peih bruk panduan. Bhum palei brei pasang iek taong abih ka hatai caong lagaih, gam haong nan brei caik dahlau bruk pandar siam lagaih dom jabat tui jalan kali kalih. Dalam tukvak anak meta, Tay Ninh brei patui veik pandar siam lagaih majam jabat daok hu, gam haong nan jhul khang salih lek taka so saong salih bruk karja piah khik kajap bruk di karja hu ngak lagaih.

Ngak tui Bilan Urang ngak kong thun 2026, Trung uong Kapul Lien hiep Dam dara Viet Nam peih ngak Harei “Dam dara ngak kong – Pambak bruk siam lagaih”. Dalam nan peih bruk pasang iek ruak, ndom meyai ka prein yava, brei jru oh mek jien ka 1.000 urang ngak kong; pathau khan ka bruk ngak; daong tut angan khau tin lek taka phone njauk menuac urang; peih dom bruk pahat padhih, ilamo, seni nghe thuat brei ka dam dara ngak kong. Gam haong nan brei labaih 100 paok pandap ka dam dara saong urang ngak kong baoh sang kan kandah.

Uy Ban Bhap bini tinh An Giang bahrau peih pakak harei “Paling Amuk Po Negar Ceik Sam thun 2026”. Harei raya rah tabiak meng harei 31/5 tal 12/6/2026, dui pachreih yaok trieu mbang tuai damuai saong rahra ka bruk rivang me-in, kakuh paling. Dalam luac jaik dua adit, bhum taneh tapen negar An Giang brei daok dalam bruk praong prang min ndung bak sambo bar saong rilo adat bhap bini hu khik catang. Tapa raya adat thun ini, tinh An Giang caong khin patui veik paglaong danak dak jeng sa bruk ilamo-jirah rivang praong, jhul khang bruk pambuak gauk, pambuak drap ar haong dom bhum palei.

Di Ca Mau, dom hajan akaok bilan pagam haong ia ndik saong riyak praong daok jhul khang bruk jaleih ar tasik, ndih tame tanut njauk kakei caga. Labaih 56kg ar tasik Bien Dong daok ndih tame bruk jaleih ar tasik kan kandah atau biak kanjah jhak, glai caga lahik rah rah, taneh riya njauk ia tasik mbang tame tagok tal 100m yaok thun. Dom labik mbuan jaleih taneh pataom di dom labik: Bồ Đề - Hố Gùi, Kiến Vàng - Ông Tà, Hố Gùi - Tân Tiến, và Ấp Hạp - Giá Cao. Yaok thun tinh lahik 250-300 ha glai caga kayua jaleih taneh, ngak ka vanh ndai pacang riyak dak harei dak sit ganik.

Anak pathau khan ka bruk langik salih karei meda ngak patrun 10% GDP di thun 2050, Rajaei Campuchia peih ngak danak dak patagok majam kakei caga ka bala di dalam negar. Danak dak patagok prein kakei caga drah aval brei hu ngak dalam tukvak 5 thun meng 2026 tal 2030 piah paglaong prein kakei caga, khau tin, pathau khan, palagaih ka ia sua, pandiak bhang, ribuk saong bruk kan kandah karei pambuak tal langik di Campuchia, abih di nyu nan lac di dom bhum palei, bhap bini mbuan njauk kan kandah.

Israel hu peih mbang taong tame ban ine Beirut di Lebanon, 1 adit hadei tuk Tong thong My pandar negar ini oh peih bruk taong tame Ban ine di Li-băng. Urak ini oh ka pathau khan ka bruk njauk rambuac saong khat lahik ka mbang taong tame di Israel. Di gah Meraong Lebanon, bol lin Israel patui veik ba tabiak sarak kakei caga ka bruk panduan rahra di dom labik saong brei thau hu taong cakak 2 kaya par piah tame negar ini.

Jabat Kaya mbang di Lien Hop Quoc brei thau, yaok trieu urang daok njauk jhul tame bruk eik lipa kayua mbang mesuh saong My saong Israel taong Iran, gam haong nan kakei caga bruk ini brei patui veik lanjah jhak meyah mesuh metak tagok glaong saong yaom menyek jeng daok di tanut glaong. Danak dak Kaya mbang Dunya ieu da-a dom gah daong, tuk kapul ini hu brei patakik daong kayua patakik kadung jien buh tabiak, gam haong nan ndom veik ka bruk karei dalam dunya ka bruk lahik an ninh kaya mbang./.