Harei ini 2-7, Ban uy – HĐ Bhap bini – UB Bhap bini – Ub Mat tran Negar Viet Nam Ban raya HCM peih praong Harei Pahadar 50 thun harei ban raya Sai Gon – Gia Dinh hadah mbaok meta mek angan Chu tich Ho Chi Minh (2-7-1976 - 2-7-2026). Dahlau, dalam saong hadei harei pahadar, Ban raya HCM peih rilo danak dak chinh tri, ilamo, seni nghe thuat, pahat padhih, peih padang dom danak dak hu makna saong peih danak dak pakacah gheih karei. Dom danak dak piah pahadar veik makna di sajarah di danak dak ban raya angan Wa Ho, pok meyaom dom bruk jak jeng hadei meteh abap padang saong patagok, gam haong nan pamedeih hatai gul pataom, gheih mekre, hadah krah, daong prein piah ban raya patui veik patagok dalam jaman bahrau.

Dahlau di nan dalam melam 1/7, yaok ribau bhap bani TP.HCM saong tuai damuai hu mong iek sa “van tiec” meng meta mong biak siam gheih ngan haong bruk peih ngak hadah tanjak nghe thuat 3D Mapping pambuak haong ma-in gagam ragu, peih mbaok dom dom bruk ngak pahadar 50 thun Harei TP. Sai Gon - Gia Đinh hadah mbaok meta mek angan Wa Ho. Tapa bruk pambuak gauk di nghe thuat ngak ma-in jaman urak ini saong ilamu 3D Mapping, TP.HCM caong khin payua tal bhap bani, ayut sahabat dalam saong tuai damuai dunya kadha ka sa ban raya bak hatai ranam, sami samar, hadah krah, yam tame saong cak rok patagok khang kajap.

Hadei labaih 2 thun peih ngak dom jalan langyah taong mek ikan hadang suan hukum, oh pathau khan saong oh ngak tui adat hukum (IUU), tinh Vinh Long oh hu gilai ikan ngak suan hukum di bhum tasik negar langiu. Bhum palei daok patui veik buh jien tame ka ha tang lamnge ikan, patagok pasang iek kapul gilai ikan, kham merat gam haong negar aval drah talaih “kat kanyik” di Uy mban chau Au (EC). Tal ini, dalam tinh daok hu 258 gilai ikan abih tukvak dang kiem atau harak adat brei peih nduac, oh hu ginup kein lagaih ngak bruk saong jeng hu pasang iek khang catang, oh brei tabiak tasik.

Tinh Ca Mau hu peih ngak daaanak dak Sang mac gom angin Khu jirah rivang Khai Long – Ca Mau vaktu 1. Danak dak hu phun jien buh tame ngak labaih 6.320 ty ndong, hu peih ngak angaok mblang taneh prong 480 ha. Ngan haong kong suat jaik 100MW, danak dak kruhia dahlau meda hu ngak salah blaoh saong ba tame pandar meng di bilan 5-2028. Danak dak oh lac pabak brei pren khang ka nang luong tai tao blaoh daok ba brei bruk ngak tapak, pasiam bruk mbang angui brei ka bhap bani, jhul patagok ha tang samu gauk saong ngak brei salih bahrau mbaok meta di puk palei.

Tui Chi cuc Hai quan labik XX, dalam tinh Dong Thap, bruk pacang caga, cakak pablei dauk tapa negar tukvak anak tal brei pataom tame bruk pasak pasang iek jru aphil; cakak ba tame dauk ameh, jien padai, xang menyek; pasang iek bruk pablei dauk pakao (langiu pabah mbang tapen negar, dom labaik hu jalan kraong dui atah). Tinh Dong Thap hu jalan tapen negar Campuchia atah labaih 50km, hu 2 hai quan pabah bambang negar pakat dunya lac: pabah bambang pakat dunya Thường Phước, pabah bambang pakat dunya Dinh Bà.

Kapul nyaom Y tế Dunya kakei brei thau dahlau ka bruk pambak prong di mbang tamuh jit ta bahrau di Sudan, ngan haong labaih 120 urang metai, dalam tuk nan mbang mesruh metak di taneh aia ini daok ngak ka dom hagait daok rah tabiak nyu kanjah jhak jang. Ini lac mbang jit ta ka klau di Sudan dalam 3 thun gam. Meyam iek glang pren yava di Sudan njauk tayah tayac triak hadei di labaih 3 thun mesruh metak, gam haong bruk kruang aia hacih, jru cavao, ndap nda ya te… daok ngak ka taneh aia ini daok pandang mbaok haong dom mbang tamuh prong jit ta jaik yau gam gam.

Urang jakar y te ban ine Mexico City brei thau, klau urang metai kayua mblung aia tuk yaok ribau urang pachreih tuh tabiak jalan uan bui jayak di kapul caoh balaong negar Mexico di World Cup.  Yaok ribau rahra hu trun jalan hadei tuk kapul caoh balaong di negar cakak klaoh talei 40 thun oh mek hu jayak di mbang caoh balaong knock-out di World Cup. Min, bruk ini sa mbang tra ngak tagok bruk duh hatai ka bruk khik kajap salamat di dom bruk uan bui pataom rilo urang.

Piah patrun dom mbang iew phon saong tin kakei cagat, Australia daok jak ba dom jabat, kapul nyaom tut angan brei thau ka taka so phon di drei piah tuk bhap bani taduan mek hu dom tin kakai saong mbang iew mai meng dom jabat ini ye angan je di jabat nan meda brei mboh di màn hinh. Yau nan min, jalan ngak ini jeng daok hu tak tave cuang kandah tuk jaik di ini, bhap bani negar ini daok taduan mek hu dom mbang iew phon cagat hu brei thau lac canh sat polit. Canh sat polit Australia kakai bhap bani juai jia tui taong abih tame angan je hu brei mboh angaok dom taka so phon iew mai atau tin kakei hu payua mai.