1# Paguh page 4-7 Harei raya palih ruah caong takre palih ruah tame dai hoc – cao dang 2026 brei pataom yaok rituh urang ilamo gah palih ruah pathau khan langyah tapak ka anek saih dahlau tuk palih caong takre rah tabiak di Sang bac Bach khoa – Dai hoc pakat Negar Ban raya Ho Chi Minh saong Dai hoc Bach khoa Ha Noi. Danak dak hu peih ngak njauk tame tukvak “samar chip” di bilan palih ruah sinh vien, tuk yaok rituh ribau anek saih dalam negar hu thau tanut pakacah tamat THPT saong daok kakei caga palih ruah gah bac, sang bac jeng yau dak ramik danak caong takre.

2# Pasak ngak bruk langiu negar daok hu Mentri Noi vu jao peih ngak 8 danak dak ba urang ngak nao ngak bruk di 5 darak pasar prong, nan lac: Hàn Quốc, Nhật Bản, Cộng hòa Liên bang Đức, Úc saong Đài Loan (Trung Quốc). Dalam nan, rilo danak dak hu daong taong abih jien bac megru, jien harak kapar haok brei ka urang ngak. Urang ngak, abih di nyu lac urang ngak di bhum palei kan kandah hu mbaok tame danak dak ngan haong jien ndo nao tabiak negar langiu biar, hu bruk ngak, jien mek tame tani tanat saong salih bahrau rai diuk.  

3# HĐ Bhap bini tinh An Giang hu brei tapa sarak salih jalan pandar 9,4 ha glai pacang caga di labik Tieu khu TY (xa Tây Yên, huyen An Biên) piah duh danak dak padang tatua di jalan nao tabak takai tapen tasik pambuak huyen An Biên haong Ban Rạch Giá. Danak dak hu taong abih phun jien buh tame 3.900 ti dong, pandar phun jien meng kadung jien di tinh. Danak dak oh lac jhul khang bruk kinh te tasik saong patagok kinh te – xa hoi bhum taneran kraong Cuu Long, blaoh daok daong hu makna tame bruk pacang caga haong bruk langik salih karei.

4# Dom harei tapa, di bhum tasik di tinh Ca Mau harei halei jeng hận ngak ka bruk glut jaleih taneh dak harei dak triak jang. Ar tasik gah Pur di tinh Ca Mau urak ini hu jaik 56km njauk glut jaleih triak. Ngak ka ar tasik kaduan tame dalam taneh haluk meng 30-80m yaok thun, gaok labik mai kaduan tame dalam labaih 100m, ngak ka Ca Mau lahik nao meng 250-300 hecta glai pacang caga yaok thun. Piah grap tanat taong abih danak dak padang ngak ar pacang tasik, Mban Khik iek danak dak daok pambuak bruk haong puk palei langyah ka nyu salah blaoh bruk taneh riya, kham merat jao brei 100% ka urang padang ngak dahlau di bilan 8 thun ini.  

5# Kapul nyaom Urang kamei Ban raya Ho Chi Minh bahrau kuhria taong abih saong alin hadiah meyaom Raya pakacah vak kadha mboh ka bruk online “50 thun hadah mbaok meta Ban raya mek angan Wa Ho anit ranam”. Dom kadha daong pambak dom kadha gheih ghang, mboh praong dalam ka anek menuac saong jalan patagok di Ban raya Ho Chi Mih, pamedeih veik dom inem kreung sajarah, dom salih siam mekre dalam rai diuk kinh te – xa hoi. Yai glaong abih ka Hoàng Thị Phương Trang, Kapul Lien hiep Urang kamei phuong Long Trường.

Chuyển sang phần tin thế giới: 

6# Tong thong Donald Trump brei thau Iran meda blei tame kaya nong di Mỹ dalam bruk pambuak talei sron mbon piah padeih mbang mesruh metak. Jeng dalam mbang sua tangi di harei 2/7, Tong thong Trump brei thau dom mbang ginum biai haong Iran daok mek hu rilo baoh jeng siam mekre, taphia di nan ong jia lac Tehran hu njauk hatai ngan haong jaik abih dom kadha bo Mỹ ba tabiak.  

7# Kadung jien Uranaih Lien Hop Quoc (UNICEF) kakei caga brei hu labaih 100 ribau uranaih Lebanon mbuan rah tabiak bruk oh nao bac dalam thun bac bahrau meyah dom sang bac khut tayah kayua mesuh metak oh hu pasiam dahlau bilan 9 anak tal. Kadung jien uranaih Lien Hop Quoc kakei caga ka uranaih brei padeih bac dui atah meda ngak patagok rilo bruk mbuan gaok kan kandah, dalam nan hu bruk uranaih ngak bruk saong caik dahlau ka bruk tok likei kumei.

8# Kapul nyaom Langik tasik Dunya (WMO) khan brei thau dahlau El Nino daok hu mboh saong meda samar drah khang tagok jeng sa bruk pandiak catang glaong dalam vaktu meng bilan 7 tal bilan 9, ngak patagok bruk mbuan rah tabiak dom kadha langik tasik kanjah jhak angaok baoh taneh ini. El Nino nan lac dom hagait bhian hu rah tabiak dalam langik tasik, tuk nhiet ndo mbaok aia tasik di labik pasak saong gah pur xich ndao Thai Binh Duong tagok glaong tuk halei oh thau. Bruk ini bhian hu rah tabiak gilac hadei di yaok 2 – 7 thun saong dui atah jaik 9 – 12 bilan.