Xa Thiện Hưng (dalau di huyen Bù Đốp, tinh Binh Phuoc) iek glang bhum taneh atah dhua jalan tapen nagar jaik 17 km gam saong bhum mblang taneh biak praong. Bahrau meng blaoh, xa jeng ngak blaoh dalau aval bruk ngak tui sarak brei pataom, sanang lagaih meng 24 palei daok jeng 8 palei.

Jeng hu ralo thun ndam gam saong palei, ong Nguyễn Thành Cừ, dahlau ngak po palei ấp 3 (ini pagam jeng palei Đoàn Kết, xa Thiện Hưng) lakau padei glaih blaoh kayua thun umur glaong. Payua hatai khin caong tame dom rai hadei patui, ong Nguyễn Thành Cừ daok duh hatai brei ka dom palei barau padang bahrau nyu hu praong jeng ye dom urang jakar njauk ba abih hatai jai prei yava nao dahlau bruk ngak jaik taphia jang rahra bhap bini:

 "Bruk ngak salih bahrau brei ngak di puk palei praong labaih 500 baoh sang nyu mada hu baoh kan di nyu. Bruk pan tantu khao tin bruk hik yaok baoh sang, thau hatai yaok urang yaok bruk kadha ieu lac bruk kadha praong njauk caik hatai. Hu yau nan meng ba bruk meng pato tacei meng jak ba dakvah siam hu tui njauk jalan di Ndang, sarak karja dan saong hukum Nagar."

Bhum taneh di dom xa tapen nagar di banraya Dong Nai mada ralo neh rabha jeng ralo labik praong sit, bhap bini rahra urang daok lapih jeng ye ralo urang bangsa daok dang saong gauk. Kayua yau nan ye, pilih urang jakar lagaih saong bruk ngak bruk daok dang njauk hatai bhap bini rahra jeng ieu lac sa janih bruk kadha saneng kuhria di karja palei.

Ong Hoàng Mạnh Thường, Bi thu Ndang uy xa Lộc Tấn (dahlau di huyen Lộc Ninh, tinh Binh Phuoc) brei thau lac, taong abih dalam xa trun tukik meng 21 palei daok 7 palei. Pataom dom akaok ka lagaih sampurna jang piah daong ngak siam jang bruk daong ka bhap bini rahra di angak bhum taneh praong.

Dalam bruk rami ramik pilih padang, xa Lộc Tấn pok praong taka: angan jie, abih hatai tame bruk, thau paham tanitanat bhum bhaok, thau ilamu ngak kong lek taka jeng ye brei hatai jie di urang bhap bini. Dalam nan di labik ralo urang bangsa tukik, bhum palei urang jakar ngak njauk lagaih bruk kadha. Ong Nguyễn Mạnh Thường brei thau lac:

" Bruk padang danak dak brei ka manuac urang ngak bruk saong urang bangsa takik, xa jeng njauk ngak brei ka lagaih lagua tani tanat. Di dom bhum hu ralo urang bangsa takik, khol dahlak ramik brei ka lagaih. Bruk ini daong ka bruk dakvah, jak ba mikva ngak tui akaok mbram, danak dak di pakat Ndang mbo xa ngak siam jang di dalam tukvak mai meng anak."

Piah daong pabak dom labih daok kurang tuk dui pataom dom akaok bruk akaok kadha puk palei, dom xa tapen nagar di Dong Nai daok patui bruk paglaong rup di kapul bhap bini, kapul chi hoi, kapul urang khik karo an ninh siam mekre palei jeng ye di dom urang hu angan.

Gam gam tui di nan, bruk ngak pambuak kajap di karja dan saong dom Balai Bien phong kapul urang bonlin di bhum palei hu caik hatai pakajap.

Langiu bruk khik karo kajang nagar, dom bhum palei ini daok dang padang danak dak patagok kinh te - xa hoi, caik hatai paglaong raidiuk ilamu raidiuk brei ka bhap bini rahra di bhum tapen nagar.

Anak mata brei mboh lac, bruk ramik palagaih jabat karja oh mada trun yaom prein khang brei ka bruk ieik glang sampurna. Langiu di nan daok brei mboh nyu khang kajap "Bruh bhap bini - thế trận lòng dân" dan saong karo kajap jalan tapen nagar brei ka taong abih bhap bini, peih praong mblang patagok barau karo kajap di jalan tapen nagar taneh ia bangsa./.