Hoi dong Bhap bini Ban raya Dong Nai mbang ka I, tukvak 2026 – 2031 hu brei tapa sarak mbaoh tangin jalan ngak dui atah jalan metro Ben Thanh – Suoi Tien tal pasak karja Ban raya Dong Nai saong mblang kapal ahaok par Long Thanh, gam haong danak dak jalan pasei ban medin Thu Thiem – Long Thanh. Dalam nan jalan Metro  Ben Thanh – Suoi dui atah, labaih 43,5km, labik akaok ga Suoi Tien, labik puac di Mblang kapal ahaok par pakat dunya Long Thanh. Danak dak quy hoach 6 sang ga pasak, 5 sang ga tui bruk patagok bam medin pagam haong jalan mbak dalam rahra saong 1 depot pandar, pasiam. Danak dak ini hu caong takre brei patrun ka jalan mbak nao tabak takai, peih praong labik ban medin saong pandar rilo abih taneh rah jalan.

Tinh Dak Lak kham merat ngak salah bruk mnek mau sinh pham dut iek ADN atau talang liet si oh thau angan je dahlau harei 31/10. Dalam tinh urak ini hu 34 kubo liet si ngan haong 15.222 baoh kubo, dalam nan hu 4.124 kubo oh ka thau khaw tin. Mbiah tal ini,  gah chuc nang  peih bruk mek mau di 5 kubo liet si mek hu 105 mau sinh pham hu dut iek ADN.

 Kuhria dalam 7 harei peih ngak bruk oh mek jien labaih 134 sruk radaih bus di Ban raya Ho Chi Minh, hu jaik 1,9 trieu tuai damuai nao mai meng radaih ini. Tui So Padang Ban raya Ho Chi Minh ka bruk peih 134 jalan radaih bus oh mek jien khik kajap sarak ka rahra hu nao mai oh abih jien meng radaih bus. Min, radaih bus urak ini oh ka hu jalan brei ka nyu di rilo jalan nan ciuk gaok bruk gar radaih, kan si nao njauk tukvak di nyu.

Danak ramik pasiam ribaong bariet Văn Thánh, TP.HCM hu labaih 1.000 baoh sang bhap bini gaok kan kandah, tui kuhria bruk padang ngak di bilan 10 thun ini. Tuk danak dak ngak salah blaoh, jalan kraong ribaong ky thuat saong labik  daok jaik rah tui ar ribaong hu palong, rik tame ngak mekre mbaok meta ban do thi, khik brei sinh thai saong ba mai labik daok ilamo birau,  lagaih ka bhap bini. Tui nan, danak dak pabka prein khang jhul pasamar  patagok  gah ngak  mbang kinh te – xa hoi saong paglong  raidiuk  bhap bini dalam bhum.

Kong an tinh Vinh Long pambuak xa Tân Hòa saong Phong Thạnh (Vinh Long) mek hu dom urang piah pasang duah ka bruk me-in mbia meng bruk cá độ caoh mbanh. Dom urang nan cá độ caoh mbang hu meng jien patui dom mbang caoh mbanh WORLD CUP 2026 tapa Zalo, canh sat pataom mek 4 baoh smart phone gam haong dom kaya ndap nda hu pambuak. Urak ini bruk daok hu cong an tinh Vinh Long ngak harak gal piah taong bhat catang tui adat di hukum.

Tay Au birau hu bilan 6 langik padiak catang abih meng tuk dut kuhria mboh, dalam tuk dom mbang pandiak abih di chau Au dak harei dak rah tabiak ralo, dui atah saong pandiak jang. Khaw tin nan kayua Jabat Tui kuhria iek Langik salih karei Copernicus di Lien minh chau Au (EU), langik di Tay Au dalam bilan 6 pandiak jaik 21 do C. Langik pandiak ini pambuak tal yaok ribau mbang urang metai, ralo di Pháp, Tay Ban Nha saong Bỉ.

Kapul Y te dunya (WHO) bahrau pathau khan bahrau, kakei caga lac dom ilamo khoa hoc rilo dalam mbang taong ruak ung thu jaik abih oh ba mai bruk salih karei ka yaok trieu urang ruak dalam dunya. Tui kuhria di WHO, hu 5 urang ye hu 1 urang ruak ung thu. Njauk caik hatai lac ruak ini ngak kan kandah tal 92% rahra dunya, tuk dom urang nan hu pasang mboh njauk ruak atau jeng sa urang dalam baoh sang njauk ruak.

Di An Do labaih 3.000 binh gas ia ribuk ba theik  tabiak truh sang mac  ngak kalaoh LPG di bang Maharashtra. Dom urang jakar bhum palei ini khan lac, kayua hajan praong, paga sang mac jaleih, ba tal ia ribuk sua tapak tame labik ngak tame chai kaloh. Karja  pak ini  kakei binh gas ia ba theik trun kraong meda  daok thak gas dalam nan. Urang jakar  iew bhap bini  mboh  hu binh gas theik angaok kraong njauk khan brei jabat karja thau chip./.