Di phuong Khánh Hòa, danak dak “Pakhang prein brei pasalih prein nang luong ngak barau jeng ye iek glang ramik ia tathuak brei ka alam langik siam karo di bhum taneran kraong Cuu Long” daong padang 410 mabang biogas brei ka dom baoh sang raong saong pala kaya ikan dalam ia. Yaok akaok urang ngak hu daong labaih kurang 12 trieu dong, dalam nan danak dak hu brei daong labaih 90% prein jien buh tame, urang bhap bini ngak buh tame meng 10% prein jien. Hadei di tukvak ba tame pandar, dom danak dak ngak jeng mboh jak jeng siam, njauk tui jalan akaok mbram ba tabiak.

Ong Ngô Thanh Tuấn, baoh sang raong hadang praong di abih di palei, brei thau dahlau di ini ông bhian duh hatai kayua bruk patathuak ia nerak pasiam ia raong dalam danao. Tuk palei pandar danak dak, ong buh tangin atme jeng ye daong brei dak 3 baoh labang biogas. Meng di nan, bruk ramik ia patathuak nerak yau ye hu jalan, daong ka baoh sang di gait sanang hatai tame bruk ngak mbang.

"Biogas ini, mboh cambaic kein laba, patrun hu ia nerak tachauk tathuak tabiak langiu mblang langik. Yang ka dua di nyu hu mboh lac drei pandar biogas piah drei pandar, drei brei tanek dalam ging sang, pakulih hu jien ndo blei gas. Biogas ini drei padang hu khak hadang piah ngak gas. Tuk drei si phông tabiak cái phân tôm nyu tabiak ralo, drei brei padang nyu. Blaoh drei salih ia blaoh drei brei ka dalam danao ka nyu kandong. Drei brei payeng padeih padang piah daong ka nyu tabiak ia jru mek khí jhak, pakurang hu jien njauk buh tame brei ka pajangaih siam ia."

Tui ong Tô Thanh Nhị, Akaok jabat Kinh te, Ha tang dan saong ban medin phuong Khánh Hòa, bruk praong abih di Danak dak nyu hu lac bruk salih akaok saneng ngak di bhap bini dalam bruk tathuak ia nerak tabiak langiu mblang raong glang. Langiu di patathuak iar nerak ngak kanyah brei ka alam langik, rahra urang bhap bini brei pandar dom janih jhak piah ngak jeng biogas piah daok pandar dalam bruk ngak mbang daok dang, daong patukik jien ndo buh tame jeng ye khik caga hu siam brei ka alam langik.

Di dalam jalan tame ngak, di bhum palei bhian dakvah jakba, lang yah brei ka bruk ngak yau nan ye ralo urang paham thau jeng ye ba hatai jie tame ngak. Tal ini, mabang hầm biogas mboh jak jeng siam makre, daong ia nerak trun daok takik, patrun hu yaom jien padai buh tame ngak jen ye paglaong hu glao akaok pandar kayakan dalam alam khik caga lam môi trường dalam bhap bini rahra. Ong Tô Thanh Nhị, pok sap ndom mayai lac:

 "Bruk praong abih di danak dak brei pasalih manuh maneng di manuac urang, meng bruk tuh tathuak ngak ka njom nerak alam langik, yau nan ye drei njauk caik hatai ba tame pandar nyu salih ngak jeng khí cuh. Tal ini mboh ralo baoh sang hu pandar ia nerak khí thải mai brei ka raong glang jeng ye brei tame raong janih kaya ikan dalam ia. Tal ini drei mboh ralo baoh jak jeng mboh biak uon tabuon. Dalam nan mboh lac tal ini, ia khí gas drei blei di darak pasar bih jien biak ralo. Ralo mikwa karei jeng caong danak dak kham marat daong ralo jang."

Njauk ndom mayai lac, Danak dak “Pakhang prein brei pasalih prein năng lượng ngak bahrau jeng ye ieik glang ramik ia tathuak brei ka alam langik siam karo di bhum taneran kraong Cuu Long” daong tame biak ralo tame bruk paglaong ilamu saneng kuria paglaong glo akaok dalam bruk ngak mbang hijao, patagok bruk ngak mbang pagam saong khik caga alam langik di bhap bini rahra, nao njauk tui jalan padang bruk ngak nong hacih jeng ye karo kajap di tukvak harei meng anak tal./.