UB Bhap bini Ban raya HCM njauk hatai pandar kadung jien Pacang caga bala meng langik di Ban raya daong ka 21 phuong, xa kuhria abih tih jaik 228 ti dong piah ramik pasiam, padang ngak smar 89 danak dak pacang caga bala meng langik di labik mbuan gaok kan kandah. Dom danak dak tuk ngak salah blaoh rik tame pacang caga glut jaleih, ia ndik, ia dauk, tathuak ia, khik caga taneh praong labaih 9.100 ha saong labaih 10.000 baoh sang.

UBND tinh Tây Ninh daok ngak salah harak gal piah pok tagok pakat angaok mboh tangin brei buh jien tame ngak danak dak jalan Tân Lập - Long Hậu ( jalan Vành đai 4 TPHCM tal jalan ĐT830 - Long An klak), jalan atah labaih 10 km kuhria jien buh tame ngak labaih 2.590 ti dong. Danak dak ngak salah, rik tame  peih praong  labik kong nghiep, do thi. Sở Padang ngak Tay Ninh caong khin ngak brei cambaic laic  jien buh tame ngak, taneh mek veik, dom baoh sang tavak tame, urang khin hu labik daok birau jeng yau tukvak peih ngak danak dak.

Gah bollin pataom hu 6 atau talang liet si di labik khu B dalam Bein bingu Lê Thị Riêng, TPHCM, dalam 4 urang caik veik drap ar, kuhria abih tih urang hu duah mboh tagok 150 atau talang. Dalam harei 29.7, bol lin ngak bruk brei peih praong bruk kuac duah di khu A saong khu B. Di lubang ka sa di khu A, bollin kuac rok, panduan labaih 30 met vuong. Di khu B, labaih 20 m3 taneh panduan ba nao labik karei piah duah talang liet si. Bo Tu lenh TPHCM brei pacang tamra di lubang khu B piah plaik njiak langik hajan, khik brei salamat lagaih ka urang ngak bruk.

Mban Tacei ba jalan roh duah, pataom saong atau talang liet si Quan khu 7 payua Harak Thư iew da-a bhap bini thei thau asar kadha brei pabak, piah duah, pataom atau talang lietsi di bhum Gò Cát, ban Đông Nhi, phường Lái Thiêu, TPHCM labik hu lubang dar tui kapol nyaom tuk kalin kan. Tapa dom harak tu lieu pataom hu, meng thun 1971 -1972 di bhum Gò Cát - Lái Thiêu hu rilo radaih di gah bol lin Viet Nam cộng hòa pajeng ba urang jakar, urang lin cach mang var klak rup drei mai dar di rilo lubang. Labik hu dom lubang dar rilo urang lin  haong gauk dalam bein bingu saong anak Sang iek ruak Dunya  Becamex.

Dalam 6 bilan akaok thun ini, kuhria abih tih labaih 4 blah website dien tu praong di Viet Nam hu labaih 291.000 ti dong, tagok labaih 44% dut saong tukvak ini thun dahlau. Tui nan, urang Viet Nam buh tabiak labaih 1.600 ti dong yaok harei piah blei kaya online. Bruk ini brei mboh jien cai pandar online dak harei dak pambuak haong dom bruk cai yaok harei di bhap bini. Gah ngak mekre lac gah kaya pandap duah hu jien praong abih di dom blah ndien tu, hadei di nan lac khan ao kumei blaoh tal sang danaok - raidiuk.

Trung Quoc birau iew dom gah kham ngak brei trun kan kandah di Biển Đỏ, tui nan cagar dom jalan birau di Mỹ ngan haong kaya kan saong doanh nghiep kong nghe Trung Quoc. Urang brei panuac di Mentri Ngoai giao Trung Quoc Mao Ninh khan lac, Trung Quoc daok patui iek di Biển Đỏ, tui nan kham merat brei ngak po saong khik caga an ninh di dom taneh ia dalam bhum njauk brei iek praong, jeng yau khik brei salamat saong peih jalan ka dom kapal gilai dunya brei daong gauk khik iek.

Sa meteh taneh ia Anh laik tame bruk pandiak bhang hadei rilo adit pandiak saong hajan takik. Di Đức, langik pandiak jeng tagok 36 do C di dom bhum  palei, dalam tuk Lien minh chau Au kakei ka apui khuah glai daok rah tabiak di gah Meraong saong Trung Au. Langik pandiak,  thu lagu saong kurang hajan ba tral rilo bhum taneh chau Au dang anak bilan he biak pandiak, tui nan ba bruk ngak brei lagaih. Langik  pandiak chau Au brei duah jalan ngak lagaih haong bilan hè dak harei dak kan kandah.

Labaih 1.100 urang roh duah saong khik iek dom kapol kong nghe praong di Mỹ hu mbaoh harak iew brei padang jalan pacang bruk patagok di tri tue nhan tao (AI), dalam tuk huac kandah kong nghe ini samar jang bruk thau saong pacang di anek manuac. Dom urang ilamo kakei dom he thong AI brei paglong  bo oh cang anek manuac ngak bruk./.