Di nyaom biai di Thuong truc Thanh uy TPHCM haong urang bac pabak ilamo, kadha bruk ngak, pasram patia ka Thanh uy vien, Bi thu Thanh uy TPHCM Trần Lưu Quang ndem meyai lac, Mentri Chinh tri hu jalan tacei ba brei pagam tame  don vi di karaj sa mbang tra. Yau nan min, meyah bhum palei mboh njauk ngak, bruk brei pagam kayua dom dang uy xa, phuong, dac khu brei biai, ngak hasa jalan saong khan  tagok Thanh uy dahlau harei 30.8 anak tal. Tui bruk ba tabiak di dom don vi, TPHCM brei ngak salah harak gal ho so pok tagok pakat hu tham quyen pasang iek, langyah.

Mentri Y te khan brei thau ka bruk pacang caga COVID-19 saong kum tui bilan anak bruk mbuan njom mbak dom ruak tapa jalan suan yawa. Tui pasang iek ruak njom mbak pakat negar saong tui harak pathau di dom labik iek ruak, jru ruak, dalam nan hu Sang iek ruak Nhiet doi Trung uong, dom urang njom ruak COVID-19 mai iek ruak saong jru rak dalam dom adit jiak ini mboh rilo jang. Yau nan min, mbiah tal ini, Mentri Y te oh ka mboh urang ruak trak atau metai kayua COVID-19.

So Kong thuong tinh An Giang peih tal bac pasram patagok bruk pablei salih dien tu, ilamo ngak asar kadha tui angka so saong daong ba kaya tagok Blah website sinh thai di phuong Tịnh Biên, Thới Sơn saong Chi Lăng piah daong jhul pasamar salih taka so dalam bruk ngak tabiak, pablei salih. Dalam tinh An Giang hu jaik 600 kaya OCOP hu meng 3 tal 5 patuh. Bhum palei daok daong, yaih khan, pambak praong kaya kan tagok website, pambuak darak pasar  pablei kaya kan OCOP saong kaya nong bingi karei, rik tame paglong asar siam, peih praong darak pasar, paglong jien mek tame ka bhap bini.

Bol lin duah pataom di Bein bingu Lê Thị Riêng, TPHCM duah mboh, ba dara sa kubor tui kapol nyaom hu 9 urang liet si saong 10 atau talang di dom kubo ghor, kuhria abih tih duah pataom hu labaih 144 atau urang. Bo Tu lenh TPHCM khan brei thau daok tacei ba duah pataom veik; pambuak tani tanat  haong dom jabat chuyen mon, urang saong don vi ngak bruk ini.

UBND tinh Dak Lak brei padang Bein pakat negar Ea Sô meng Labik khik ramik alam dunya Ea Sô. Bein pakat negar Ea Sô di xã Ea Knốp, kuhria taong abih taneh hu jaik 27.000 ha. Bhum taneh bein praong labaih 18.200 ha, dalam nan hu 18 palei, mbuon di 5 xã di dua tinh Dak Lak saong Gia Lai. Bruk padang Bein pakat negar Ea Sô piah khik ramik dom kein lagaih meng alam dunya, ralo janih, dom athur raong, phun pala daok biak takik, mbuan lahik abih; tui nan rik tame khik ramik alam moi truong.

Gah Di cư Dunya (IOM) kakei kol duis dak harei dak ralo pachot pagat manuac piah kareik greik tame nyaom kapol pagat online. Dom urang nan bhian palua tapa dom kadha yaih khan ja di mang xa hoi, pagol sanya duah bruk ngak jien mek tame glong di negar langiu. Njauk caik hatai, rilo urang pagat lac urang ngak hu ilamo bac megru, thau meyai ndem sap Anh, hu bac dai hoc.

Bruk abih prein yawa di kapol urang bac si ngak bruk dalam dom khoa cap cuu di Canada dang di tabung glong kan kandah, ba tal jaik meteh dom bac si brei trun mon ngak bruk piah pasiam, rilo urang kuhria klak bruk ngak. Bruk abih prein yawa oh ralo jang di dom bac si kumei saong urang jakar y te daok ranaih umo. Tui roh duah, dom bac si bruk nan kayua mai meng sang iek ruak ngak bruk tapa prein, bruk caong khin dak harei dak glong di manuac sia saong dom bruk kan kandah meng lavik mai di labik ngak bruk.

Sa urang ngak nong umo 40 thun di tinh Bắc Maluku, Indonesia hu duah mboh dalam tung klan biak praong, hadei urang ini lahik di melam 27/7. Urang tabiak truh sang min oh mboh gilac sang, ba tal gauk gar saong mikva dalam palei nao duah saong mboh inem darah saong ndap nda kaya kan di gait labik jaik sang, urang duah tui inem nan nao saong mboh sa drei klan biak praong daok jaik nan. Hadei blaic raic tung nyu mboh urang metai saong rup pabhap daok tamo./.