UB Bhap bini Ban raya HCM caong khin dom so, dom gah, karja palei peih bruk dut iek prein yawa ka urang jakar, kong chuc, vien chuc saong urang, kham merat ngak hu taong abih saong salah dahlau harei 31.10 anak tal. Dom bruk ba tabiak piah dut iek prein yawa  hu peih ngak ginup tui harak dut iek ruak ka urang umo meng 18 thun tagok di Mentri Y te. Oh brei cakak kadha dut iek ruak atau salih dom angan pasang iek drei yau gauk tui hatai urang. Hadei tuk ngak salah blaoh, dom don vi brei pabak tame bruk dut iek ruak tagok mac jamraih saong khan ka So Y te dalam 3 harei piah tui iek.

Tinh Lam Dong brei khan tapa rilo sarak hu makna praong dalam piah pabak prein khang ka bruk cak rok patagok kinh te- xa hoi bhum urang bangsa takik saong bhum ceik. Dalam nan njauk ndem tal meng ini tal thun 2031, anek saih, sinh vien bangsa takik hu harak labik daok di tinh ginup 3 thun tagok, daok bac di dom labik pato megru dai hoc, cao dang, trung cap dalam negar brei daong  jien cai pandar 400.000 dong sa urang sa bilan. Baoh sang urang bngsa takik hu mesre  phun jien di gilang pariak piah ngak mbang, pablei salih hu daong 40% jien laba.

Anak dom bruk praong tuk tame bilan hajan, Mban Tacei ba jalan 515 tinh An Giang  padang veik sa kapol nyaom mek mau talang liet si piah ngak salah njauk tukvak ba tabiak. Mbiah tal ini, dalam tinh mek mau di 7 kubo liet si, peih ngak di 1.548 kubo, mek hu 986 mau AND. Bruk patagok bollin saong peih bruk ngak sumu gauk di dom kubo, tinh An Giang  kham merat  ngak blaoh bruk mek mau dalam tukvak samar abih, piah duah njauk angan je ka dom AHLS daok kurang.

Dalam tuk ngak hacih kaya kan di liet si hu pataom di xã Minh Đức, Ban Đồng Nai, huyen Hớn Quản, tỉnh Bình Phước klak), bollin kuac duah biak druat druai tuk mek hu sa blah thaot binguk daok khik tani tanat dalam kadung hakuk di liet si. Kuhria tal tukvak ini, di bein cao su 97, kapol K72 duah mboh saong pataom hu 26 atau talang liet si gam rilo drap ar biak hu yaom glong. Urak ini, kapol K72 daok peih praong labik kuac duah di bein cao su praong labaih 20 ha.

Hadei tukvak kandi kandang, yaom durian di Bhum Nam bo saong Tay Nguyen daok tagok gilac. Durian Thái janih A di Đông Nam bo 77.000 - 80.000 dong sa kilo, di Tay Nguyen meng 73.000 - 75.000 dong sa kilo. Ong Nguyễn Văn Mười, Pho Tong Thu ky Kapol  nyaom Nyam patam Viet Nam brei thau, dui atah tal bilan 10, pabak prein khang ka bruk pablei durian saong gah njam patam dalam dom bilan puac thun 2026. 

Mentri Pato megru Thái Lan birau ini brei peih ngak taong abih, sumu he thong jabat ndien tu di dom jabat, dom vi meng akaok thun 2027, pamong tal atah klak abih bruk pandar harak van ban ba-ar. Mentri ini kuhria ngak tui jalan birau meda daong cakak trun labaih meng 30% - 40% jien padai ngak harak gal, tui nan paglong jien jitvu karja. Bruk nan piah ngak brei njol njaic, takik harak saong bruk ngak cagar kateik gauk dalam bruk karja.

Khat lahik kayua megei baoh taneh khang 7,1 do richte di biar harei 26/7 di tinh tỉnh Kumamoto - gah meraong Nhật Bản, daok tagok. Kuhria tal tukvak ini, hu 17 urang metai, 6 urang ruak baoh hatai phoi, 5 urang daok ruak trak, rilo urang oh daok pambuak hu. Dom urang ilamo Nhat Ban iew bhap bini kuhria caga blaoh blai meyah hu bruk jhak rah tabiak.

Yaom lac daok jaik 2 adit tra meng ngak salah blaoh, min dalam dom harei ini, rup patau Amaik Maria glong 55 met di Ba Lan hu jeng rup patau glong abih di chau Au saong pachreih hu rilo tuai damuai mai rivang iek. Danak dak  hu padang ngak meng 3.400 met khoi betong saong jaik 500 tan pasei saong trak atal 11.000 tấn. Rup tau Amaik Maria glong abih di dunya  urak ini di Philippines glong jaik 100 met./.