Page ini 15/6, di Bein bingu Lê Thị Riêng, Ban raya Hồ Chí Minh, Bộ Tư lệnh Ban raya Hồ Chí Minh pambuak haong kapol nyaom urang roh duah di Sang bac Dai hoc KHTN (Dai hoc pakat negar TPHCM) gam haong dom urang sajarah dakrai mai pasang duah, duah mbom min saong pandar mac jamraih piah dut iek labik hu kubo dom liet si dan haong guak, duh ka bruk roh duah, pataom  talang liet si. Bruk pasang iek, labik dar dom liet si haong guak di Bein bingu Lê Thị Riêng lac bruk hu makna praong dalam bruk roh duah, pataom talang liet si, rik tame ngak brei hadah dom inem mek sajarah dakrai daok veik hadei mesruh metak.

Tỉnh Vĩnh Long urak ini hu labaih 1.000 kuan cửa hàng pablei xang menyek. Brei salih  tapa pablei xang sinh hoc E10, mbiah tal ini hu labaih 95% cua hang hu ngak salih tapa blaoh. Dom kuan cua hang di Petrolimex saong  PVOIL ngak salah hu taong abih. Piah pabak hu ginup suai lavik, cambiac laic dalam bruk pablei salih saong khik kien laba ka urang pandar, dom gah chuc nang di tinh Vĩnh Long daok pasang iek bruk parabha, asar siam saong yaom pablei rai xang E10 dalam tỉnh.

Tỉnh Dak Lak birau alin 260 kuang padang ia taba  duh ka urang  nao ngak mbang di tathik labik atah di dom xã, phường gah Timur di tỉnh lac: Xuân Đài, Tuy An Đông, Tuy An Nam, Tuy Hòa, Phú Yên saong Hòa Hiệp. Yaok kuang ia padang 1 ribau lit, kuhria  abih tih phun jien labaih 600 trieu dong. Tui  mikva urang nao tathik, dom kuang ia taba daong ka urang nao ngak mbang di tathik piah hu ia pandar di gilai dalam luac tukvak nao atah rilo harei meng 2 tal 5 adit, rik tame daong mikva sahanang hatai nao ngak mbang di tathik, khik bruk ngak po di tathik, kaoh pulao palei negar.

Sở Y te TPHCM khan brei thau, labaih 2 bilan peih bruk ngak iek “ Kapol urang iek glang prein yawa pambuak haong labik daok di bhap bini” di dom xã mek hu rilo bruk jak jeng, rik tame paglong kien lagaih ka bruk dut iek ruak camereip di bhap bini. Kadha birau di bruk ini lac kapol  urang gru jru saong urang jakar y te  hu nao tal yaok baoh thang  piah vak ho so prein yawa tui iek ruak dalam rup, tacei pato caga ruak salih ka bruk cang mikva mai iek ruak. Bruk ngak ini hu daong duah thau ruak meng aval saong khik iek ruak samar, njauk ndem tal urang umo taha saong urang ruak dahlau dalam rup. 

Tui Danak dak pagam ramik palei tame di xa Lien Huong, tinh Lam Dong ( huyen Tuy Phong, tinh Binh Thuan klak), hadei  tuk dak ramik, pagam tame, dalam xã  Lien Huong hu meng 23 palei trun daok 15 palei. Hadei pagam tame, xa Lien Huong daok 15 palei, nan lac: palei 1,2,3,4,5,6,7,8 Lien Huong; palei 1,2,3 Phước Thể; palei Phú Điền; palei Lạc Trị; palei Vĩnh Hạnh saong palei Bình Thạnh. Dalam 2 palei Lạc Trị saong Vĩnh Hanh hu ralo bhap bini Cam daok, hu labaih 1.700 baoh sang ngan haong 7.800 urang. Tui nan, dom urang ngak bruk oh chuyen trun 22 urang; kapol chinh tri, chinh tri- xa hoi, chi hoi palei trun daok 72 saong trun 70 urang.  Bruk pagam tame daok takik piah pataom prein tame bruk ngak di palei, paglong bruk khik iek di karja, pandar ngak tui dom sarak gah ilamo, ndap nda sang danaok urak ini, khik ramik puk palei salamat, khik hacih palei pala alam moi truong saong paglong dom bruk di labik daok bhap bini. Di xa Lien Huong, dom bhap bini hu padang saong patagok suai lavik, yaok palei hu dom ilamo siam gheih karei ka raidiuk, ilamo, adat cambat. Yaok palei hu adat cambat, agama karei di gauk yau baha, kalan kakuh di dom agama pambuak pagam haong raidiuk bhap bini.

Tong thu ky Lien hop quoc Antonio Guterres njauk hatai pachreih tui bruk ngak siam salamat di Mỹ saong Iran lac bruk ngak hu siam pamong tal jalan pambuak gah langiu, dalam tuk Tong thong My Donald Trump kakei dahlau Washington pambuak veik dom beuk bol lin meyah bol lin Tehran oh ngak tui panuac sanya. Urang ngak praong di Mỹ khan lac bruk ginum biai siam ye labik eo di tathik Hormuz hu peih pabah mbang suai lavik, oh abih jien padai dalam bruk nao mai di jalan tathik.

Dom mbang pakacah caoh mbanh dat blong hu mbaok di kapol Nhat Ban bhian ngak ka urang caik hatai kayua ramik  hacih mblang caoh mbanh di urang takre iek caoh mbanh. Thaik binguk nan hu mboh di Yai pakacah caoh mbanh dat blong dunya FIFA 2026 di Bắc Mỹ, tuk urang takre Nhat Ban ba tui kadung dun hareik saong ramik labik daok di drei hadei mbang iek caoh mbanh blaoh. Njauk ndem tal, urang Nhat Ban takre iek caoh mbanh daok ramik hacih labik iek di dom mbang pakacah oh hu kapol dat blong negar Nhat Ban.

Hajan rah tabiak ralo harei saong khang di gah  meraong negar Trung Quoc  dalam dom harei jaik ini. Pasak Khi tuong Taneh ia ini kakei dahlau hajan praong pakat 3 dalam 4 pakat. Dalam nan, tinh Quảng Đông panduan ba labaih 13.000 urang. Dom bhum palei di Quảng Đông, Quảng Tây saong Đài Loan (Trung Quốc) kuhria mboh dahau meda hu hajan praong, ia hajan di dom labik tapen tathik gah meraong Quảng Đông khang meng 250 - 280mm…