Page ini 27/8, di Mbang nyaom ka 4, HĐND TPHCM mbang XI, dom urang brei panuac padang dom phuong di khik tamo. Tui nan, TPHCM hu 29 xã hu ginup  9 tanut don vi hanh chinh karja piah padang phuong yau: ginup bhap bini, taneh praong, ti trong kong nghiep - dak padang saong jit vu dalam GRDP, urang ngak bruk langiu nong nghiep, jien mek tame kuhria tui yaok akaok manuac…Hadei tuk padang 29 phuong, TPHCM hu 168 don vi hanh chinh pakat xa nan lac 142 phuong, 25 xa saong 1 dac khu.

Tỉnh Vĩnh Long peih ngak dom sarak patagok bruk ngak, duah bruk ngak, peih praong labik ralo urang ngak saong ba bruk ngak ka urang Khmer. Tapa nan, rik tame paglong jien mek tame, patrun kathaot khang kajap, abih di nyu lac 30 xã, phuong bhum urang bangsa takik. Hu 618 dam dara bangsa takik hu daong jien bac bruk ngak; ralo urang ngak hadei bac blaoh duah hu bruk ngak atau ngak bruk ta-eng. Urang ngak dak harei dak paglong, rik tame dui katut panak bruk cak rok patagok di bhum urang bangsa takik.

Meng thun bac anak tal, anek saih 4 sang bac THPT chuyen dalam tinh Lam Dong hu sang daok atah meng 15km tagok, hu daong gam bac gam daok saong jien mbang huak. Yau ye, meyah anek saih daok dalam sang bac oh mek jien labik daok, jien ndien, jien ia; tui nan taduan hu jien mbang 936.000 dong yaok bilan. Anek saih halei bo sang bac oh ka duah hu labik daok, ye langiu jien mbang huak, dom adei hu daong veik 360.000 đồng yaok bilan piah pah sang daok.

Pasak Y te xã An Long, TPHCM (huyện Phú Giáo, tỉnh Bình Dương dahlau diah), birau duah mboh 2 sruh jit ruak pandiak tabiak darah di palei Suối Độn saong palei An Linh dan haong 5 urang nyaom ruak. Hadei tuk duah mboh, kapol y te samar mai tal yaok baoh sang piah pruh ju pametai jamaoh di dom labik hu urang ruak. Urang jakar y te mai tal sang, tacei pato mikva gam sir jeik ia, ramik dom baoh radaih khut, kalaoh vin labik daok.

So Ngak nong saong Alam moi truong tinh Dong Thap birau payua harak tal UBND phuong Mỹ Phước Tây, phuong Thanh Hòa, phuong Cai Lậy, phuong Nhị Qúy, xã Tân Phú, xã Thạnh Phú saong xã Tân Phước 2, iew samar peih ngak dom jalan pacang caga ruak meruai kayua athur kaik, takik njom mbak saong khik caga prein yawa bhap bini. Di tinh Dong Thap  daok raong palao athau, takik klauk jru caga ruak saong mbuan rah tabiak ruak.

Tap doan SpaceX khan brei thau bruk buh jien tame 100 ti dola My padang to hop ten lua Starship di bang Louisiana, gah meraong negar Mỹ. Danak ak caong khin ba yaok ribau bruk ngak saong ba Louisiana hu jeng sa salam dom pasak cuh tagok langik praong di SpaceX. Brei panuac di bruk khan brei thau danak dak, Thong doc Louisiana Jeff Landry khan lac, phun jien di Space X ngak brei salih birau ngan haong bang ini.

Trung Quoc padang ngak tang abih tih 504 sang mac hadah krah, gam jhul pakhang bruk oandar kong nghe dalam dom gah kong nghiep meng kan. Mbiah tal ini, Trung Quoc padang he sinh thai sang mac hadah karah ralo pakat, hu labaih 35.000 sang mac thong minh, labaih 8.200 sang mac hu pandar kong nghe birau, labaih 500 sang mac xuat sac saong 15 sang mac naih gheih pakat negar.

Dah page harei ini 27/8, dom mbang hajan praong tuh trun 2 tinh Ishikawa saong Toyama di Nhật Bản saong ia dauk biak trak. Labaih 100.000 urang brei panduan ba nao labik salamat. Rajaei Nhat Ban pataom Kapol urang samar chip piah biai bruk pacang caga. Dahlau di nanm bilan 9 thun 2024, di Ishikawa gaok ribuk praong abih kuhria meng lavik mai ba tal ralo urang metai saong njauk rambuac – angan ribuk  “ Hajan ribuk Noto 2024”.