Ban Thường vụ Ban uy TP.HCM njauk hatai ka bruk padang phuong di Ban raya  hu 29 xã ginup taong abih 9 kadha tui bruk ba tabiak. Dalam 29 xã ginup  kadha, rilo di huyen Bình Chánh, Củ Chi, Hóc Môn, Nhà Bè klak. Birau ini, UBND TPHCM jeng brei duah thau hatai sahaneng di bhap bini ka bruk padang phuong birau, khik brei cambaic laic, brei ngak njauk saong hu bhap bini pacheih tui danak dak padang dom phuong meng dom xã urak ini.

Urak ini, dalam tinh Dong Thap hu 855 urang jakar lac akaok jabat, pho akaok jabat saong sumu sở, dom gah pakat tinh. Tapa pasang iek dom asar kadha, dalam tinh hu 125 urang jakar ngak Pho akaok UBND pakat xa. Hadei pagam tame, tinh Dong Thap hu 102 don vi pakat xa, phuong; dalam nan hu 82 xa saong phuong. Urak ini urang jakar ngak bruk pakat xa, phuong di tinh Dong Thap lac “ labik kurang, labik labaih”, lac ngak bruk tapa prein.

UBND tinh Dak Lak padang bruk ngak brei patagok kinh te - xa hoi 6 bilan puac thun patagok 10%, ngak brei cakrok patagok khang kajap tukvak anak tal. Tui nan, 102 xã, phuong iew brei jhul pakhang bruk buh jien tame ngak mbang, kham merat pachreih ngak hu takik di nyu sa danak dak birau. Yaok bhum palei  padang hu takik abih lac sa bruk ngak mbang kinh te birau dalam dom gah yau kinh te melam, kinh te so, kinh te jitvu atau yulit bhap bini.

Pahadar 101 thun Harei Bao chi Cach mang Viet Nam (21/6/1925 - 21/6/2026), dalam  dom harei tapa, rilo jabat, don vi, doanh nghiep mai rivang saong ayuh Rayo sap ndem Viet Nam ( VOV) saong Jabat Rayo sap ndem Viet Nam di labik Ban raya HCM. Di dom var taom mbaok, dom urang lambaok dom don vi taong yaom glong bruk ngak di Rayo sap ndem Viet Nam dalam bruk ba khaw tin, pathau khan; tui nan payua panuac ayuh tal dom urang jakar, urang vak, urang palih ruah, rameneng krah di VOV di bingun Harei Bao chi Cach mang Viet Nam. Dom don vi brei thau hatai caong khin patui pambuak bruk dalam tukvak anak tal.

Jaik 860 ha glai di Bein negar U Minh Hạ daok taha ralo khat lahik trak. Tui ong Lê Thanh Dũng, Pho Yam ndoc Bein negar  U Minh Hạ, tui duah thau camereip phun kayau glai di Bein pakat negar U Minh Hạ tapa umo taha lavik thun. Langiu di nan, kayua langik salih karei oh lagaih, ia tathik njom tame ngak jhak taneh. Meng nan, phun metai, jaleih. Tui kuhria mboh dahlau phun kayau metai dalam glai U Minh Ha daok rah tabiak veik.

Mentri Quoc phong Hàn Quốc ba tabiak bruk pambak praong bhum taneh kayua bol lin pasang iek jaik taphia negar Triều Tiên piah brei bhap bini hu nao mai atah praong jang saong jhul pakhang bruk cakrok patagok. Bruk ramik pasiam nan piah lagaih haong alam moi truong khik brei salamat ka harei hadei dalam tuk bol lin dak harei dak takik, tui nan brei ngak siam bruk di drei. Tui nan, Rajaei Han Quoc brei ba tame pandar ung dung di dong di thun 2027 piah mbuan mbiah harak gal likau adat ka bhap bini tame tabiak di labik ini.

Dalam tukvak meng thun 2021-2025 Mỹ meblah hu labaih 42% kuhria taong abih jien pablei phao ndao vu khi tabiak negar langiu di dunya, dalam nan hu kapal ahaok mesruh metak  saong  dom he thong ten lua. Bruk kuhria mboh glong jang jien pablei vu khi di Nga, Trung Quoc saong Lien minh chau Au veik. Yau nan min, oh lac bruk khik iek vu khi di Mỹ  angaok dunya, Washington dang anak bruk kan kandah dak harei dak catang dalam bruk pabak tame gilang khik piah vu khi daok takik hadei dom bilan mesruh haong Iran.

Jabat Khi tuong Australia kakei dahlau langik El Nino rah tabiak di bhum nhiet ndoi Thai Binh Duong saong mbuan tagok samar di meteh thun ini. Urak ini, ia tathik pandiak tapa langik El Nino, dalam tuk nan yawa langik jeng panjiak yau nan. Jabat Khi tuong Australia kuhria mboh dahlau langik panjiak tagok di pasak nhiet doi Thái Bình Dương brei mboh El Nino meda khang tagok. Langik panjiak El Nino meda ngak hajan khang di negar My, ngak panjiak saong thu lagu di bhum taneh chau A./.