Hadei sa thun ngak bruk tui karja bhum palei dua pakat, TPHCM ngak hu siam bruk tui jalan birau, dak harei dak hu tani tanat, oh caik klaik klaoh duh bruk ka bhap bini saong doanh nghiep. Ini lac bruk taong yaom di ong Nguyễn Văn Thọ, Pho Akaok Thường trực HĐND TP.HCM di Nyaom biai pataom iek veik sa thun ngak bruk di dom pakat chinh tri saong karja dua pakat di phuong Bình Tây di harei kabroi 2/5. Ong Nguyễn Văn Thọ caong khin  patagok bruk ngak hu, samar pasiam dom bruk daok tavak, padang ngak he thong chinh tri hanjon njaic, lagaih, gam haong jalan ngak “ 6 cambaic laic”

Di Ban raya Can Tho, melam kabroi anek saih sinh vien Sang bac Dai hoc Nam Can Tho peih ngak Danak dak senni nghe thuat “ Ilamo siam gheih Bangsa Hoa -Lo”. Ini lac mbang akaok meti danak dak hu padang ngak veik saong pambak praong dom ilamo nghe thuat  meng kan di bhap bini urang Hoa di ĐBSCL hu ba tame dalam sang bac. Danak dak hu padang ngak tui jalan san khau pambuak  ilamo nghe thuat, khan ao, jum pataom saong duah thau ilamo bhap bini, tapa yaih khan dom ilamo siam gheih di bhap bini urang Hoa di bhum gah Meraong.

 Sang bac Tieu hoc Truong Sa, dac khu Truong Sa, tinh Khánh Hòa birau kuhria iek veik thun bac 2025-2026 hu mbaok di rajakar ngak praong di dac khu, kaoh pulao, amaik ame saong anek saih. Thun bac dahlau, yaom lac daok rilo kan kandah kayua daok atah taneh saong langik panjiak, dom gru saong anek saih Sang bac Tieu hoc Truong Sa ngak biak siam bruk bac saong pato. Puac thun, taong abih anek saih tieu hoc ngak hu jak jeng siam mekre bruk dalam thun bac. 

Pamong tal Dai le Phat dan, Phat lich 2570, xa Trà Ôn, tỉnh Vĩnh Long peih bruk palao ikan raong parilo kaya ia di kraong Hau hu bruk ba tangin tame di rilo kapol nyaom, urang saong phat tu bhum palei. Di var ngak adat, 2 tấn ikan kan pajaih hu palao trun kraong Hau rik tame piah ngak brei pasiam, patagok kaya dalam ia. Meng akaok thun 2026 mbiah tal ini, xã Trà Ôn peih palao labaih 6 tấn ikan pajaih yaok janih trun kraong Hậu kuhria tui jien labaih 360 trieu dong.

Hajan praong dui atah ngak hangin gaving rah tabiak di rilo bhum palei di tinh Lam Dong dalam dua harei tapa ngak khat lahik trak ka sang danaok, phun pala saong ba tal sa adei kumei di phuong Lang Biang ia ba theik lahik. Di xã Cát Tiên 3, hajan praong gam hangin khang di ralo labik ngak par tabung 8 baoh sang. Dom baoh sang hu pacang cai saong gom truac hadah di sa sang bac jaleih  abih…Tui kuhria taong abih tih hu 8 ti dong. Karja xã Cát Tiên 3  jak ba dom gah daong ka bhap bini ramik pasiam bala meng langik, samar ngak brei tani tanat raidiuk.

Yaom dom janih kaya mbang di Indoneisa tagok dua mbang dalam adit tapa, anak bruk Adat Ngak kuban Eid al-Adha di harei 27/5 anak tal. Rilo janih pandap tagok yaom yau brah, saradang, baoh manuk, rilo limo saong njam patam baoh kayau. Dalam nan brah tagik takik abih lac 2,5%; yaom rilo limo tagok labaih 2%; yaom amraih tagok 8% dalam tuk nan lasun saong baoh toi jeng tagok. Karja ban ine Jakarta sanya brei pabak saong khik yaom pablei hu kaya mbang tani tanat.

Mentri Yulit Campuchia brei peih bruk rivang ma-in “ Bilan Hijao” sapmg sarak mien thi thuc ka bhap bini Trung Quoc piah pachreih hu rilo tuai damuai mai sirah dom labik danei angan di taneh ia ini. Dalam nan, bruk rivang sirah Yulit  Campuchia bilan hijao peih ngak di bilan 5 tal bilan 10 thun ini sanya haong tuai damuai hu rivang ma-in dom labik siam gheih, dom drap ar  di taneh ia ini.

Langik panyiak me-om tagok  rilo taneh ia meng negar chau A tal chau Au. Bhap bini rahra duah labik piah padeih padei ralo oh ka  bhian mboh. Bhap bini Anh duah mai dom labik caluai ia langiu langik saong bein bingu  piah menei ia  tuk Negar Anh daok gaok langik panjiak labaih 34 do C. Bhap bini Frankfurt, Đức ma-in  dom kadha pasram rup pabhap dalam labik hu 29 do C. Di Ấn Độ, harei kabroi (25/5), ban ine New Deli langik panjiak tagok tal 45 do C./.