Bruk padang harak dut iek prein yawa bhap bini di gah y te TPHCM hu ba tame du lieu prein yawa di labaih 2,3 trieu bhap bini. Ini lac dom dữ liệu  akaok meti, hu makna biak praong  dalam bruk padang harak ho so prein yawa dien tu ka yaok bhap bini. Du lieu nan piah khik iek prein yawa luac raidiuk di urang, daong  khik caga, duah thau samar ka ruak kik saong paglong bruk khik iek prein yawa di taong abih bhap bini dalam tuk salih tapa pandar taka so gah y te. Urak ini, So Y te TPHCM daok jhul pakhang bruk ngak salah blaoh harak ho so  prein yawa  dien tu saong pagam ung dung bhap bini taka so. 

Harei 30 bilan 6 anak tal lac harei puac abih tui bruk ba tabiak di Thu tuong Rajaei brei ngak salah bruk jao taneh ngak Danak dak Sang mac ndien hat nhan Ninh Thuan 1 saong 2. Di taneh danak dak nan, dom bhum palei  daok ngak samar, min rilo harak ho so taneh riya gaok kan kandah saong sarak daong dac thu oh ka hu langyah blaoh. Urak ini daok hu dom  jabat Kong an duah thau bruk ngak suan, jaik 100 mbang urang  karei daok cang sarak dac thu meng Trung uong piah ngak tui.

Tỉnh Lâm Đồng daok pambak praong dom bruk ngak nong hijao, thong minh, pandar kong nghe glong piah pabak tui bruk ngak tabiak tui hatai caong takre di urang blei. Miah tal ini, dalam tinh hu labaih 100.000 ha ngak nong hu pandar ung dung kong nghe glong; labaih 1.200 ha ngak tabiak ka nong thong minh hu pandar kong nghe so, tu dong. Tinh jeng hu padang 16 bhum ngak nong pandar kong nghe glong saong 7 doanh nghiep hu taduan lac doanh nghiep ngak nong kong nghe glong.

Urak ini, tỉnh Vĩnh Long daok kham merat kuhria caga ginup dom bruk piah samar ba baoh kruac bung akaok meti pablei tapa Trung Quoc. Tui So Ngak nong saong Alam moi truong Vĩnh Long, mbiah tal ini hu 14 janih baoh kayau hu pablei tapa Trung Quoc. Urak ini, Trung Quoc njauk hatai brei ka Vĩnh Long pablei tabiak negar langiu baoh amriak. Ta-eng papaok, ngak tabiak kaya di labik pala hưu co tabiak darak pasar yau Mỹ, chau Au, Australia.

Piah daong ka bhap bini sahanang hatai khik iek tathik dalam bilan hajan ribuk, UBND xã Đá Bạc tỉnh Cà Mau hu jeng kapol nyaom jum pataom. Urak ini, xã hu labaih 700 gilai taong chap kaya ikan dalam ia tathik, padang jaik 10 kapol nyaom daong ka gauk di tathik. Yaok kapol hu meng 5 tal 10 gilai ikan, caga dom bruk rah tabiak di tathik yau mac jamraih khut, langik jhak, daong ka gauk di gilai…Bruk pambuak dom urang nao ngak mbang di tathik oh lac daong paglong bruk taong chap bo daok dak padang kapol urang daong ka urang gaok bala, daong bhap bini sahanang hatai ngak mbang di tathik.

Akok negar Trung Quoc Tập Cận Bình birau hu kadha angaok Tap chi “Cầu Thị”, jabat khik iek di Trung uong Dang Cong san Trung Quoc, kakei brei jhul pakhang bruk patagok sumu gauk di klau gah pato pakai, ilamo kong nghe saong urang naih joi, ini lac bruk praong piah dak padang taneh ia salih birau. Tui nan caong khin  patagok bruk ngak di dom sang bac  ndai hoc roh duah ilamo glong dalam  bruk roh duah saong ngak brei patagok kong nghe praong saong  padang jalan pambuak bruk salih  birau ilamo saong pasram ka urang naih joi.

Dom mbang pachot pagat online di Malaysia daok tagok glong, dalam thun 2025 hu labaih 66.200 mbang pagat online, tagok 87% dut saong thun dahlau. Kuhria khat lahik  kayua dom mbang pagat ngak khat tagok tal jaik 3 ti ringgit, sumu labaih 730 trieu USD, tagok jaik 90%, brei mboh bruk ngak hu makna dak harei dak praong di kol ini. Dom urang ngak praong di taneh ia ini sanya pambuak bruk jhul pakhang dom bruk praong pagui mek kol pagat saong paglong jalan sahaneng di bhap bini.

Dalam sa harak pathau khan, Kadung jien Uranaih LHQ (UNICEF) khan lac, jaik taong abih dom uranaih di dunya daok anak bruk kan kandah kayua langik salih karei oh lagaih, hu labaih 1,8 ti uranaih gaok kan kandah kayua langik pandiak bhang saong 1,2 ti uraniah ruak kayua langik pandiak catang. Tui Kadung jien Uranaih LHQ, dom rajaei brei samar buh jien tame ngak sang danaok, jalan mbak, piah lagaih saong tui iek bala meng langik piah takik khat lahik, gaok kan kandah./.